雙雞比效應唔單止亂買組合
成個港股都會受到影響
特點係~ 冇副作用
威力強大 藥力持久
搽頭個肚唔會痛
搽肚個頭唔會暈
主要成分：99%錢
~1% 空氣
使用方法 ：
買入 持有 等到期
2024年4月20日星期六
賣定離手
荃灣一啲地方
今年都冇乜行過去
有啲先前賣蔬果好旺㗎
原來都執咗笠
少咗人買餸又收多咗告票雙管齊下
哈.....
而家條街乾淨咗好多
晏晝一兩點經過好多都係落曬閘
你鍾意行路瞓覺都得㗎
某程度上非常成功
畀返條乾淨嘅街道你喇
嗱攞去啦...攞去啦！
點解係舌存齒亡？
點解咁大舊米田共可以由個咁鬼細嘅窿仔度走出嚟？
會唔會係因為彈性呢？
咁點解有啲人又會冇嘅呢？
時機比耐性重要
方法比選股重要
假如積極會引起反效果
倒不如就繼續懶落去
本能會令人不停用邏輯去支持自己睇法
但通常本能往往只會專注於保護自己
而市場本身係一個反人性嘅地方
只有弱弱會需要去保護
而保護又會引至更加弱弱
似乎係個惡性循環
既然你能夠舉一反三
又何必問我？
既然你已胸有成竹
又何雖我去認同？
到底你想要嘅係乜嘢？
你想贏錢？
定係贏我？
若想贏錢
安分就夠
但想贏我
就會危險好多
或者你無需要咁快去做決定
因為茫茫之中
你已經有我
哈.....
2024年4月19日星期五
雞髀效應
組合八間公司有六間係藍籌股
淨低中交建同大唐
海油 移動 中行 已經新高
聯通中石化亦緊隨其後
恆指而家16000左右
最近都好少寫低啲嘢因為的確係冇乜嘢好寫
打仗都係一啲芝麻綠豆
經濟仍然喺低速運行
股票賺錢效應充斥歐美
亦能暫時掩蓋經濟危機
最近比較睇好平安
下星期就有季績 希望能夠成為組合其中一方主力。
否則$28.5就放手投降
招行同平安我最終揀咗平安
嘻....
有好多比較低殘嘅細價股
組合今年都捱咗幾鎚
捱打過後再乖乖嘅加倉兩桶油兩電訊
哈....
我估計唔單止鄉下仔係咁做
而家情況係又咪傳說中嘅價值重估呢？
今年只不過四月份就已經食咗兩盒叉雞飯係有雞髀㗎。
鄉下仔平時雙拼飯 99.9%都係雞翼
對上一次有雞髀食已經係兩年前
恆指萬五左右嘅時候
食完隻雞髀 恆指升咗三個月
兩桶油兩電訊上咗神枱到依家
咁.....今年食咗兩隻比喎 ！
係咪蝴蝶效應之外仲有個雞髀效應？
2024年4月16日星期二
2024年4月9日星期二
訂閱：
文章 (Atom)