剛收取 321 中期息 $5970
倉裏有現金 $30000+$5970
=$35970

諗返起十幾年前睇過嘅一啲投資書籍  相信大部分人都會睇過一啲關於投資  或者什麼股神或大師之類嘅書籍   我自己當初大概用咗兩年時間去睇去學    去模仿   可能我蠢啦之後反而要用五至六年時間去消化忘記   再用接近三年時間反覆 摸索出適合自己嘅買賣模式  整個過程巳經大概十年 接近我投資買賣生涯一半   而現在嘅價值觀雖不至於十足十  但大概都有七七八八定咗形  有一段時間咩書都睇 哲學 天體物理學 一啲兵法啦…等   最能夠影響到我自己買賣嘅 反而唔係投資嘅書。 而係孫子兵法 ～道德經～ 相對論 ～混沌論四本。 以上四本書當初都係無聊時候睇  但之後反而令到我一睇再睇  甚至影響到我現在嘅買賣方式和價值觀  但世事就係奇  想記住嘅就偏偏忘記 ～想忘記嘅卻偏偏記住。