若果全敗 後果咪就係全敗
冇用槓桿冇負債 一身輕鬆
由1999 直到2019剛剛20年 第三次用上鎖倉
第一次 (盈富) 在冇壓力情況之下由5位數變6位數
第二次 (匯豐) 比較關鍵由6位數帶我去到7位數
第三次 (恒大) 就係今次………
不過今次就算成功都冇可能帶我去到8位數字 而失敗的話應該會跌返落6位數字
(唔會變做5位掛) 哈……
鄉下仔趁住心臟負荷得到 盡量做
人越大膽越小 將來再無機會做呢種傻事 求生唔容易想死亦艱難
鄉下仔二十歲前係浪人 瞓街瞓樓梯瞓衣櫃瞓床下底 身邊所有識得嘅人屋企都全部瞓過曬 而每次都係比佢哋呀媽趕走收場。 哈…、…
有時要走鬼甚至乎綁自己喺13樓外牆水渠我照瞓 21歲做出品部主管自己接廚房做 個膽大個菠蘿油 資產多與小亦從無改變過我生活
4個位或7個位我都係幾拾蚊又一日
30年不變。 哈………
鄉下仔依靠在邏輯。 若然对方隻手比我個菠蘿油大比我邏輯大 ~ 服輸
否則 ~ 繼續過關
師兄..好想聽多D 你的故事!!
回覆刪除睇完我都覺得人生唔可以太保守, 唔係就白來一趟了
吾係我呀。 係鄉下仔佢呀!
刪除我~生於大富之家 有四個工人分別照顧我
衣 食 住 行 哈……、
5去6,6去7,7梗去8喇
回覆刪除我反而去到7,,去8對生活唔會有咩改變
但返去6,就好大影響,所以依家更加保守,以維持係7就算
似乎7係一個關口 到咗唔容易去到8
刪除同時又擔心唔想返落去6。 要瞻前又顧後
加上同時間競賽 同購買力競賽 同自己競賽
鄉下仔鄉下妹你你鄉下妹鄉下仔,雖然呢度來來去去幾個角色,但就縱橫交疊咗唔同的經歷,令人唔知邊個發生咩事,確係後現代演繹手法的先驅者😄
回覆刪除我當你係讚㗎 哈……
刪除故事往往係無從稽考
就等於神 你信但未見過
你唔信 亦未見過
演繹一個角色還是演繹一個立場
係編劇 係導演 亦係演員
當然係讚。好似發夢一樣。夢裡的每個身影場景情節多姿多彩都離不開那個我。
刪除真係多謝 😁
刪除需然吾知點解似發夢？
但至少亦可以發場夢😁
去7容易，到八難，除非好似y兄甘，置生死於度外。
回覆刪除我就最貪生怕死至真
刪除到八真係要由天定
一個零比一個零艱難
師兄，同感，希望師兄追八成功，不過，如以3333要達到八位，估計會很高難度，但是師兄藝高膽大，或會爆冷成功。
回覆刪除要爆冷仲要99倍嗰隻 哈……
刪除真係要祖師爺上身至得啦！ 組合現階段大約百五 自己最樂觀估計兩年內唔會到三百
由於現在係跌市 所有一切都會變得悲觀
或者菠蘿油亦會有融化嘅一日…… 😝