菜遠牛肉飯

以前從相約至期待到邂逅大概要半個小時。 但以前嘅半小時應該已等於今日嘅一個鐘啦。 

飯盒 可能永遠都令人回味  ........
由落單開始到製作   運送途中所有嘅香氣就籠罩喺個飯盒裏面   再加上於飯市時間有遲冇早嘅期待。哈..... 

當門鈴響起嘅時候  當我接過手嘅時候  放喺枱面上猶疑應該打開杯凍檸水篤兩嘢先？定係打開盒飯先？   可惜依家冇啫喱餸啦更加唔會有糖水啦~

啊~
好耐冇見 ！真係好耐冇見喇
菜遠牛肉飯就係咁同我打咗個招呼。 哈....   
好香真係好香   原來飯面頭仲加咗少少炸香嘅乾蔥。 唔.....
最近點呀仲多唔多人嗌你呢？ 最近又會加啲咩去點綴下自己呢？ 
係喎！覺得附近好嘈？
但我個胃又好静喎！咁不如入嚟先傾啦~      哈...

真係呀由第一日廚房學洗菜開始到今日幾十年間從來未食過一碟菜遠牛肉飯  就只有煮嘅一份
就係唔鍾意食呢一款  就算窩多隻蛋
就算係高湯煮出嚟嘅都一樣
冇興趣就係冇興趣   但而家忽然又覺得都幾好味喎！