9月1日 買燒鴨

鄉下仔拎住半邊燒鴨 

一個男人身邊經過 

一個女人大聲嗌唔好畀佢走 

喂！唔好走... 咪走呀....

一肥一瘦舖頭沖出嚟 

電光火石 二話不說

瘦嘅捉住阿叔隻手擋喺前面

肥嘅去搶佢個環保袋搵緊裏面啲嘢

啊叔叔一路問咩事？咩事？

鄉下仔拎住半邊燒鴨 

諗緊搶嘢定係打劫？

一個中等身形阿姐走出嚟

上氣唔接下氣

距離舖頭大概十零廿步

距離案發時間只差十零廿秒

距離鄉下仔大概有2個馬位多D

一肥一瘦繼續拷問大叔

攞咗啲咩快啲拎❌返出嚟 

唔🇿係就報警.....

有幾聲咳仲擔住口煙個中等身型呀姐姐  

手裏面揸住啲散紙

找錢呀..... 找錢呀...

我未找錢畀你呀....

呀叔你走咁快做乜鬼

？？？？

距離案發時間大概已 有2~3分鐘左右

半肥瘦問大姐做乜事嗌到打劫金鋪咁大聲？

大姐問阿叔你做乜走得咁快？

阿叔問半肥瘦你哋做乜捉住我？

鄉下妹問鄉下仔睇完未呀？

走囉！

鄉下仔拎住半邊燒鴨返緊屋企

冇睇到件事點收科

嘻......