此一時

 頭先 落街買個四寶飯 

師傅揸住把刀碌大對眼望住我。 

手舞足蹈七情上面

喂~入啲貨啦轉勢喇！

然後咁咁咁 ........

技術分析又話咁.......

一路講我望住佢突然間覺得佢個樣好似個燒豬頭~ 係笑㗎

哈.....

我知佢哋幾個師傅大概持貨分佈

年紀最大個老師傅全部倉位都係農業銀行。 聽佢講大概有十年八年

只買入無沽出

後生嗰啲都係買美股買加密貨幣

燒味當大佬就係頭先同我講嘢嗰個 佢話會加倉阿裡巴巴

騰訊之類

鄉下仔淨係凹頭凹頭

收到收到....

然後返到上樓打開盒飯

哈.....

份量畀平時多咗三成

呢啲係咪效應呀 

效應咁快出現？

不過佢哋唔知道鄉下仔已經九成倉位

冇乜錢錢啦.....

最近幾日想話淨低一成倉位都打上去滿倉組合 

原因係一個叫好奇嘅人話呢度玩完

可以講佢係極度後之後覺 

玩完梗係唔係今年啦

十幾廿年前已經係

通常我聽到呢啲咁極端嘅說話

我就會不停諗不停諗 

到底而家定位喺邊度 

係咪安全線之下定係警界線之上

新一年至今帶領大市反彈都係高息低估值衝鋒陷陣好多都創新高

941已經接近10倍pe 息率得返六七厘

係咪貴呢？

點解覺得佢貴啦 ！

其實以佢個行業規模20倍pe又得唔得呢？

3988 年年上升 pe亦只係三四倍

有8厘息。樓市減撥壞帳又有幾多？

仲有其他大型國有企業 

跌市有跌市一把秤

升時又有另外一把秤

不過記憶中已經有三幾年未有人夠膽咁大聲同我講 ~ 轉勢喇

買多啲貨呀 ....

哈.....