係囉
點解我肚餓就會想食嘢呀
我凍就想縮埋一嚿
我熱又想沖個凍水涼
係囉
我攰就唔願起身
幾好 ....哈
係囉
點解你都唔熱又開到個冷氣咁大
你都唔凍又著咁多件衫喺身
係囉
你明明好精神做乜又攤喺度唔願鬱 你都未肚餓又食咁多嘢做乜
係囉
點解呢？
過緊馬路點解會有兩個細路仔沖埋嚟。就係得幾歲大果D。
原來係籌款(乜乜局喎 )
我見到後面有個外表似係女人。
仲細細聲話綠燈喇佢哋過馬路㗎喇
嗰度多人呀快走過去....
鄉下仔就係過緊馬路
前面兩個三吋釘沖過嚟。
叫我買旗.....
我冇任何動作就咁行過。
後面外表似女人嘅人
一路行過嚟望住我
我又望返住佢
然後我企喺度望住佢佢就耷低個頭。
佢係咪突然間覺得自己唔係一個人？
當啲細路仔係扯線公仔
定係佢以為望住我就係我錯佢啱 ？
咁你又死得喇
鄉下仔覺得啱
就算你用機關槍指住我
我都係唔會改變嘅
其實我企喺度就係等佢開口問我攞錢
然後我有好多嘢想同佢講
可惜
佢身上係冇籌款袋嘅
哈....
佢自己有手有腳點解唔去籌
係咪利用其他人嘅同情心
但係啲三吋釘心志未成熟㗎喎
到底呢個地方有冇保護兒童嘅法例
當然佢會話畀啲小朋友早啲體驗
籌款生活嘅艱難
不過都冇乜所謂喇見怪不怪
反正佢哋啲家長應該係接受呢件事嘅
如果唔係又何來咁多怪獸
莫講話三吋釘
有一啲好老嘅
一啲智力有啲唔同嘅
同埋坐輪椅嘅我通通都遇過曬
發現有一共通點 就係佢哋前面籌款嘅一班人
後面梗係有人睇住佢哋
而睇住佢嗰啲人係冇揸住籌款袋
我仲以為籌款係眾志成城
群策群力 無分彼此嘅添
原來唔係
原來係流水作業 層層疊疊
只不過係商業社會嘅一個心理遊戲
係囉
其實冇乜特別
雞毛蒜頭皮嘅小事
然後鄉下仔繼續行返入村
忽然間有塊好大嘅海報吸引到我
原來係屋邨範圍嚴禁飼養動物
導盲犬嗰啲應該 可以
除此之外其他退休阿伯屋企養嗰隻雀仔
D三吋釘學養嘅寵物倉鼠仔之類
通通都話犯法
係犯法
係犯法
係犯法
重要嘅事講三次
鄉下仔講咗四次
哈.....
其實只要你懂得包裝
再利用一吓班人嘅同情心
喺呢個地方就能夠化腐朽為神奇
指鹿為馬
安享晚年
2024年8月14日
沒有留言:
發佈留言