非常道

 枱低個櫃桶自己會打開 

已經第三次

每次我一篤個檸檬佢就會打開

飲湯嗰陣冇事 

食飯嗰陣都冇事

淨係篤啲檸檬嘅時候 

佢就會慢慢打開

好似講緊你知佢有啲痛

定係想暗示啲咩呢

隔離嗰個冇事

其他人奶茶咖啡都冇事 

淨係我杯熱檸茶.....

係咪蝴蝶效應？

飲兩啖先會唔會好啲呀

聽講話 酒店唔好住房尾

巴士唔好坐車尾

讀書唔好考第尾

我而家就係坐到最尾嗰張

嘅個lock頭位

到差不多食曬碟飯 

有個靚姐走埋嚟

唔好意思 咗你一陣

攞咗張紙皮仔

係枱腳攝一攝

啊！

原來係咁

嘻.....

食飽走落荃灣 買啲嘢

菜檔門口有阿婆 

用發泡膠盒嗰個蓋擺咗啲生果

有幾條香蕉 幾塊蘆薈濕濕碎

忽然間阿婆想走

可惜趕唔切喇

一個 二三十歲一身橫練肌肉

着制服。 一馬當先深入敵陣

一手攞起 個發泡膠蓋 

阿婆佢想攞返 ....可惜唔夠高呀

鄉下仔喺對面馬路睇見佢眼神

虎虎生威 表情從容不迫

剎那間 鄉下仔有D戥佢可惜

大材小用 真係大材少用

幾秒鐘之後 再六七個支援趕到 

順利控制場面。

有驚冒險呀

真係

有驚無險呀 

一個阿婆呀 

一個發泡膠蓋 

仲有幾條香蕉 蘆薈 喎！

大佬~

我睇到都驚呀

而家六七個人就可以解決咗件事 

證明 呢樹真係一塊福地嚟呀！

真係趕都唔走呀

兩邊馬路一班草民老鼠

議論紛紛 

個個棟起

手指公 

垂低頭 

兩邊搖

恨不得重新投胎

重新做人