望 聞 問 切
近日天氣太熱 大腦過度活躍想寫多幾隻字
平日食開幾正嘅茶餐廳 今日叫咗個豬扒飯 食 但一放低就知唔對路 於是我立刻發揮天賦既中醫精神 ～望聞問切
(望)真D件朱扒肯定至小係今朝早餐淨低
失败
(聞) 落完全冇香蒜洋蔥之類配料嘅香味
失敗
(問) 個阿姐係咪轉咗廚房師傅佢死口話冇
失敗
(切) 開發塊豬扒嗰一刻發覺佢仲乾過我荷包
失敗
可能而家啲租好貴啦 將貨就價但係唔好食嘅嘢做嚟做乜 假如咁做先至可以賺到錢維到皮既話 倒不如唔好開啦 真係浪費咗啲食材 ～ 可惜
最後有冇食到碟飯？ 梗係冇啦！ 唔好食嘅嘢 我係唔會食嘅？
迪兄，我覺近來香港的廚師質數，比以前差很多．無他，人工低，工時長．怎有人願入行．
回覆刪除我就嚟冇地方去食飯啦！
刪除已經要求一年比一年低 四五十蚊個午餐 前半碟有餸食後伴碟食白飯 最近試過食個豉椒牛肉炒河 得4片牛肉？？佢真係做得出
同感...唔知係我要求高咗定係餐廳水準下降，好食既茶餐廳越來越少
回覆刪除Hello醉心兄 可能我自己多心咗 近年發覺香港人做嘢越來越hea
刪除又發覺我原來隨口講下其他嘢 會有多啲人留言 反而我好嚴肅加認真講嗰啲 唔知有冇人會留意到 呀……你哋真係好殘忍呀！😵
又或者大家都需要一啲輕鬆 娛樂一下
股市實在太太太悶喇！
根本所有食物全是垃圾, 尤其在街吃都是為你啲錢袋入佢地袋, 全是高劑量的油鹽糖味精加用化學方法谷大的動物死屍同植物. 若不是為了生存我會揀餓. 哈, 你地仲有冇胃口.
回覆刪除以前食嗰啲冇益嘅食物 因為好味至少仲有個口感喺度 現在嗰啲所謂魚蛋之類腸粉燒賣 試過有啲一放入口即刻要吐出嚟 再唔係既要用温水吞服 千萬兄 你信唔信外國啲雞有六隻翼？
刪除信，唔打針同落藥，點黎高速生長同經濟效益？以水吞服都几有創意👍
刪除呀…千萬兄都信 我本來半信半疑 每次睇見一包一包急凍雞翼 我又諗起嗰個畫面 所以呢畀心機搵多啲資料 贏多啲錢 買啲好啲嘅嘢食 呀應該係多菜少肉先啱 😝
刪除無計...租金一樣野己呃殺所有支出..唯有用勞工...質數...應該差過自己煮...哈哈
回覆刪除老王兄。澳門嗰邊冇香港呢啲情況掛？好懷念澳門街啲絲襪奶茶 仲有用炭爐烘嘅多士 仲有三千年開花三千年結果 哈……我細個果時睇見呢幾行字 揸住個盒嘢好耐都唔捨得食 😁
刪除