鄉下仔 心聲
你到底想點呀匯豐～ 日日都有幾十億北水買住你。 陰啲陰啲升： 你試下大步啲吖❓
你到底想點呀A E O N～ 橫行咗半年都未突破到六蚊 業績都唔錯呀：也6蚊好大阻力 咩？
你到底想點呀中國銀行～強攻四蚊幾次 你冇力就返落3.3先啦：抖下先啦咪夾硬嚟好嗎？
你到底想點呀富豪～哈…我諗唔到講你乜嘢好：呀～ 你好嘢！
你到底想點呀龍記～ 你聽日除淨啦：仲懶懶閒 近排日日都過百萬成交 仲比Webb 睇中
咗你～ 小心啲呀：人怕出名豬怕肥
你到底想點呀新興光學～ 你真係低調到我成日唔記得咗你 經常零成交金額 想搵你啲消息仲難過搵老婆 ！
你到底想點呀 鄉下仔～ 冇用嘅廢話就唔好寫出嚟： 嘥曬啲網友時間呀 嘻……
滙豐：我都想發力，要美國加多几次息先。
回覆刪除AEON：香港經濟冇乜大進展，要做好風險管理嘛。
中國銀行：3.3 要等大跌市，咪咁心急鄉下仔。
更正～我並不想佢跌落3.3 因為我見佢趕路 幾辛苦 只不過係提議吓佢休息夠再上路
刪除嘻……
哈哈哈!! 笑死我....
回覆刪除anyway極同意你講的野...新興我都好想買不過真係0成交到得人驚, 哈
其實每一個人都有～心聲
刪除寫得幾好喎,幾好笑
回覆刪除咁多隻我得龍記,明天除淨有息收,又多兩萬幾,正
開心就好啦 ：鄉下仔希望個個都開心
回覆刪除龍記以往公司都冇問題 就係交頭小～ 水清無魚
又似路勁基建一樣 公司都冇問題 就係土地儲備少 唔多積極 但近來兩間公司嘅缺點 都有明顯改善 而股價亦都立即跟著上去 哈……市場上個個都金睛火眼
迪兄,我都有心聲呀！
回覆刪除為何如此保守，明明看好62並重兵下注,因怕北韓打仗而出貨,足足賺少十萬呀！！
早前聽你提點入了龍記,賺了個零頭就賣了,失敗呀！炒股几十年，愈老愈糊途,失敗中失敗！
刪除遲些再無改進，或將兵權交給內子，因怕由我操盤，再老些要儉紙皮維生呀！SOS！
回覆刪除你玩票性質都經常獲利 假若你認真起上嚟 成績可能連你自己都驚呀！
刪除龍記係早兩年睇(市場先生)介紹才留意的 佢眼光獨到 做事應該都幾認真 或者可能就係因為太認真關係？所以唔寫喇～可惜！
你可能記錯啦～我自己都亂買一通 吾敢提點任何人 嘻……