地點： 葵興一間用海洋生物做名稱嘅茶記
人物： 一個收銀 一個樓面 一個廚房 一個啞嘅婆婆 再加一個鬼死咁肚餓嘅鄉下仔
樓面： 阿婆你食乜嘢呀？
婆婆： 呃呃呃……… 呀呀呀………
樓面： 我唔知你講咩喎？跟住叫個收銀埋呢
收銀： 阿婆你今日食咩呀？比個餐牌你指住
啊！係咪(西蘭花炒帶子)呀？
婆婆： 呃呃呃……呀呀呀……
幾分鐘後…………
樓面： 阿婆你要嘅(西芹炒帶子)呀 加唔加個白飯呀？
婆婆： 呃呃呃……呀呀呀……
樓面： 再叫個收銀埋呢
收銀： 吓～好似煮錯咗喎？
樓面： 阿婆廚房煮錯咗呀 幫幫手啱唔啱食呀？
婆婆： 呃呃呃……呀呀呀…… (耍手兼擰頭)
收銀： 走咗去廚房門口 呀…唔知乜春( 夏秋冬)哥？可唔可以幫我換個西蘭花啊？ 唔該
厨房： 邊個落嘅單呀？邊個錯邊個負責啦？
收銀： 叫咗個樓面埋去兩個人一齊 一人一句： 一個就話今日廚房冇西蘭花 一個又話你明明頭先係叫西芹 七嘴八舌 (就係差未棟高隻腳)
鄉下仔 哦；我冇對白喎 我全程就望住佢哋又望見阿婆笑笑口拒絕 ( 我覺得) 所以冇出聲
樓面： 好啦好啦一人讓一步 我收少你十蚊啦！…… (皇恩浩蕩)
婆婆： 呃呃呃……呀呀呀…… (木無表情)
到我行去 收銀俾錢嘅時候～
樓面： 算啦我哋错就收少佢十蚊啦！佢本身都唔想食！
收銀： 吓～咁嗰十蚊邊個比呀？？………………
似乎成件事仲未完
不過我鄉下仔同呢間茶記嘅緣分就真係完啦
沒有留言:
發佈留言