硬上

從圖表睇似乎已打破好多重要嘅支持位    

但出現於一個已普遍被腰斬嘅板塊之下

我相信經已見底機會大於一個跌浪嘅重新開始  (除非唔係  否則一百個percent係)  嘻.....

內房我只睇融創黑馬就綠城  

本來今日想換入楓葉。 今年睇住佢哋幾間由山腰碌落去懸崖   一直都想伸隻手出去捉返一兩間入組合裏面  天立睿見楓葉 三間諗吓邊間好

左揀右揀然後又左揀右揀。 

哈.....   等等吓兩間腰斬加一間膝斬

直到今日經過兩個多月以上

明查暗訪翻箱倒籠之下

依然係唔太明白佢哋。 至少我想像唔到嚟緊佢哋嘅派息政策到底會點樣。 有啲似內房一樣政策收緊之下呢樣唔畀嗰樣唔準   但係融創之類回款快眼前最重要係盡快降低貸款利率。  

記得十年八年之前有個五六厘息嘅公司 (當然係稱得上手嗰啲 )就已經要攞定口水肩。

到三四年前有佢七八厘嘅公司 

一間在手安枕無憂

直到今年組合多於一半係十厘以上

鄉下仔諗吓諗吓  未來唔太遠嘅日子呢類型公司不外乎有三種可能性出現

一兩年間 經濟出現大問題企業根本唔能夠持續高息政策   因此精神及肉體上亦易受到重大衝擊

從此一厥不振

一兩年間財色兼收息率回復正常至六厘左右

一兩年間 延續一貫方向高息公司向住20厘進發  

我自己就傾向第二同第三種可能性多啲。  

就賠率睇   今日依然值得硬上

哈......