第一次

好耐冇維修家電  最近一次都係對上一兩年前電視要攞返原廠因燒咗電路版。 韓國機 三年保養又啱啱差兩三個月就三年。  諗住掉得㗎啦邊有咁老實嘅保養 

點知 打完電話即刻過嚟收機 

攞走整咗一個星期仲唔使錢

~好彩呀 

兩塊電腦版千幾二千蚊係基本

尋晚 洗完一機衫攞出嚟嘅時候仲滴緊水喎！  再嚟多次乾衣發覺摩打轉得好慢  都係用咗四年機

不過今次就過咗保養啦 差唔多夜晚十一點半     網上搵到啲 apps廣告問吓價 

找到個師傅叫我拍段乾衣短片send畀佢 

隔咗一陣開咗個價畀我 $500。 全包

我話ok問佢邊日得閒   之後又隔一陣佢話半個鐘頭到喎   嗰陣都差唔多一點喇喎。 

凌晨一點上門維修洗衣機

？？？！！   其實真係唔係咁急㗎咋

鄉下仔成世人都未試過咁激  

總係覺得怪怪哋不過都應承咗佢試下啦  

點知佢真係唔夠半個鐘就上咗嚟

哈....   我自己預期佢係起碼兩個鐘喇先至見到人㗎。

師傅整咗大概半個鐘  話係自然損耗喎個摩打。然後再試咗一次程序。 比起先前又轉得快咗好多

哈...

諗住畀錢啦。五嚿水都覺得抵㗎 

真係感恩到想喊㖭呀....

仲請佢飲咗罐汽水

但佢竟然話只係幫我清理咗個摩打咋

部機已經損耗咗三成仲要係冇得整嗰隻。 

我問佢可唔可以換個新摩打

佢話要千幾蚊叫我唔好整 

我話唔緊要啦唔好嘥咗部機 

但佢依然拒絕   叫我繼續用到部機完全唔旭啦再買新機好過

仲話覺得自己冇維修過喎！

冇計啦賺唔到我維修費

所以只收我二百蚊車馬費

仲問我有冇問題  ok嗎？？

好似驚我唔肯畀佢咁....

哈.....  

呀.......  

原來仲未絕種㗎....呢一類生物

我以為淨低鄉下仔一隻㗎咋！

終於搵到番D同伴呀。

鸣........