幫襯你超過一年
大概2000呎有三個樓面一向游刃有餘。
早餐通常例牌貨色
加多士炒蛋轉煎蛋之類。
通常落單都唔會多過10秒
今日突然間玩apps落單。
入到佢網站仲慢過政府網頁
搵咗一大輪都唔知點樣轉煎蛋
點樣要齋啡
搞咗幾分鐘終於要搵返個人埋嚟落單。
佢仲叫我學試下用apps落單
我話我手機係落緊單
不過唔係你呢啲單囉
哈......
同平時一樣十秒鐘之內搞掂
你用十秒做到嘅嘢要我浪費時間
配合你？？
今日有D分別
三個樓面只企喺水吧位等嘢做
因為佢唔再過嚟問你要乜嘢
淨係負責出餐。 佢哋比平時舒服咗好多。 時間多咗輕鬆咗
算做成功
可喜可賀
但係啲客就傻咗點餐困難咗。
時間又用多咗。
哈.....
我唔會再去呢啲地方自找麻煩
將困難轉嫁畀食客。
我見平時早餐時間爆場
今日只有七八成 可能已經實行咗幾日
有一部分人怕麻煩轉咗場
做生意方便客人為先除非冇咗你唔得
諗到呢啲方法嘅人都係天才
但自作聰明去照搬人哋方法嘅.....
又多一間倒數日子嘅食肆
始終long term 都係自己落單畀埋錢， 用人唔係辦法。網頁慢係主因，但應不難解決，搵齋啡係options 放得唔好，要改喇。我屋企樓下都係手機點餐易選几種蛋同走小多甜或冰或奶，好快的，但最衰只收現金。得閒email 畀个code我研究吓。😁
回覆刪除我未食完就剷走咗唔知搵唔搵到。 根本唔會再浪費自己時間
刪除就算佢改進再快都冇可能快過 我用口講。
哈.....
覺得唔係個個場都可以轉型
要睇客路本身接唔接受
個場喺商場門口附近
一向食客滾水淥腳
包括我自己
今日經驗發現完全唔係嗰回事有D請唔到人要轉型 無可厚非但我見嗰幾個樓面就企喺度吹水
啲客就拗曬頭對住個手機
咁樣
佢想玩邊科？？
鄉吓仔你要換位思考，我就叫A餐凍奶茶0.5秒。但自由嫂就B餐，呀唔係改為A餐，嗯。。走火腿啦，另外呢改公仔麵要唔要加錢？（要）要牙,咁係丁麵定大光麵？（丁）丁麵？哦，咁要煮淋啲。。。另外轉荷包蛋，嗯改埋漢底，呀飛埋邊唔該，少油呀，（飲品？）就飲。。。。熱。。。呀都係要凍，（凍乜？）凍奶茶，呀，唔係，係凍擰水少甜，少奶，走埋冰（凍檸水冇奶）哦，咁加奶吖。個侍應走咗。。。。
刪除哈.....
刪除我就係懶所以落樓下食
入到去舖頭就唔想用腦
其實傳媒近年已經做咗唔少宣傳墊底
大家不經不覺潛移默化去配合
去體諒一啲做生意嘅人
難做呀難做呀難做呀
咁又開到成條街都係？？？
繁忙時段四人座位
食飯時間限時
大時大節只有食套餐
酒樓食肆預製食品
例如點心工場
等等
而家仲要機械人送餐apps落單
近年嘅轉變一班人搞呢搞路
最終我哋飲食業質素繼續一落干丈。 仲衰過其他幾個東南亞國家
請人難係因為每個地方都要經歷青黃不接階段。 舊有一批退休囉走嘅走 所以出現斷層
成本高因為大財團租今年年上升 尤其係領展租金貴到死
做生意根本就係汰弱留強
遷就只會沉淪
可能鄉下仔老餅呀！
嘻....
"我話我手機係落緊單
回覆刪除不過唔係你呢啲單囉"
落張單十幾廿餅上落,唔想浪費時間喺第二啲未完備的apps上。😄
未做到快靚正前可以畀選擇啲客。或者貼身幫忙先唔會流失得來不易的滿堂紅。
開始時攪得唔好人哋唔會返轉頭,嫌佢煩。
Apps落單、電子貨幣找數都係大勢所趨。
本身我係先入為主
刪除服務行業反過嚟要我服務佢？
同存錢入銀行負利率一樣
荒謬
鄉下仔要力挽狂瀾
聽日開始 ~ 食麵包
只有大集團或者特定嘅食肆有本事做得到。
其他小舖頭跟風就
風險大於機會
冇咗人情味細鋪仲淨低啲乜
憑乜嘢唔畀大財團食埋
細鋪要諗真啲係咪一個圈套
對方嘅蜜糖可能係自己嘅毒藥
不過多數都係我錯
嘻.....
"聽日開始 ~ 食麵包"
刪除☺
我都係嗰種喜歡有選擇的人類。
辦法比困難多係講自己諗辦法解決。哈哈。
之前喺某篇網誌講過去IFC睇戲,搵間食肆醫咗我哋個肚仔先,就係局住要用apps落單,但嗰位哥仔有送句:"唔掂再搵我",我又大把時間慢慢研究。
趕唔趕,服務員的態度應對,有冇第二啲選擇都有關。
今次賣花姑娘自己食竹葉。。。
有朋友荃灣做街舖有好多年
刪除幾年前暴亂亂佢唔死
再幾年疫情又疫佢唔死
上年起以為捱過咗可以追番先前嘅損失
點知
又話要畀番條乾淨嘅街道大家
罰款加罰款
最近終於要投降
哈....
就只有我哋呢樹
好似做賊一樣
做生意真係關關難過。所以都唔明點解有咁多食肆及服務業都係態度咁差。
刪除附近間上海舖,拍烏蠅嗰時叫雪菜肉絲湯粗麵(兒時回憶,豉油色嘅湯)就肯做,到生意好返少少就話雪菜肉絲冇湯粗的,厨師發脾氣唔肯改餐單。
哈哈哈哈哈哈。
我以前做雲吞麵 所有牛腩魚蛋牛丸雲吞都係自己一腳踢
刪除湯底一定冇得呃
一個靚湯底就算係齋麵
都可以食幾碗
淨雲吞加辣椒醬,唔知會唔會覺得我嘥咗個湯底呢。諗起都吞口水。
刪除我都認為香港食肆服務真係差，但又礙於地小人多人貴租貴，所以唔想有人服務，用科技， ai同robot 等等等。
回覆刪除人情味的話我鐘意台灣，曾經諗过退休后去台灣，可惜門檻不斷加高，放棄了。
我個friend喺台灣做食肆
刪除好似係做湯飯
間唔中見到佢喺香港買魚肚呀 一啲海味返去
聽講好似你唔阻街好多地方你都可以隨便做小生意
香港食肆已經去到掘頭路返唔到出嚟。 因為藥方開錯咗
而家唔係成本轉嫁客戶咁簡單直頭係剝削顧客嘅權益
限時 再迫埋一邊 依家仲要自己落單
就係為咗負擔高昂嘅經營成本咁再過多幾年再加多幾次租
我哋係咪要自己買餸去佢鋪頭煮完再出嚟食
然後自己埋單呢
最緊要埋單, 其他是綠葉.
刪除講開埋單有件事幾好笑
刪除做廚房學師有次同兩個師傅去淺水灣
入餐廳每人食咗啲嘢
我好快就食飽然後埋單走出去四圍行
隔咗一陣 兩個師傅跟埋我走出嚟
而後面有個樓面追住佢兩個叫埋單。
由於大家有段距離
佢兩個大聲嗌
問我有冇埋單
我答佢~有。 畀咗啦
跟住我聽到佢兩個鬧人
話畀咗啦！
諸如此類 xyz+-x➗.....
隔咗陣佢又再大聲嗌
係咪真畀咗 呀...
我再答佢係
肯定係一定係絕對係
冇錯
佢又問我畀咗幾多錢
我話$30蚊
我碟飯真係三十蚊！
嗰陣我得16歲咋
嘻....
我用十個字賺咁多字。你啱吖，的確係埋咗自己單, 冇理由同師父埋單喎！趕住出去食煙睇女仔牙！哈哈！
刪除佢哋真係幾好笑,期望一個16歲少年幫佢哋埋埋單。食"精"咗。。。哈。
刪除我學師嗰陣階級觀念好重
刪除有D人想請佢哋都請唔到
我就傻更更
嘻....
個故仔已經盡量精簡
刪除實在係冇辦法10個字講完
蝕蝕....水呀！
對於選擇困難症人仕而言, 手機落單的確是WIN WIN的, 客可以慢慢揀, 侍應又不會落錯. 第一次用係會慢又容易錯, 但落多幾次熟習左就唔難. 國內餐廳的系統又比香港的好用, 可能因為人地用得多已經進化左好幾代.
回覆刪除上海嗰邊走得好快
刪除哈....
呢樹有啲大集團會成功
佢有冇人手招呼服務
門口一樣係排長龍
不過始終小部份
細鋪唔好冒險跟風
拖得就拖