2017年3月15日星期三

離巢

不經不覺 倉裏面嘅公司已增加至十九間   大致分為金融 ~本地酒店 ~國內工業 ~國內房地產~ 國內公用股 ~澳門賭場 ~航運 ~國內百貨

    金融類 最大持股匯豐現價6厘有多  未來股價或升或跌。 都係一班裁判話事( 指鹿為馬)佢鍾意開邊範都得  唔理咩原因只會逢高減持  中國銀行  內地幾間大銀行一模一樣 冇咩性格冇咩好講  買入持有只係為咗平衡組合 900 收息股不可多得

    兩間本地酒店集團 香港酒店業我長期睇好 點解?咪就係因為香港就得一個 再加上七厘以上嘅派息 不可多得

國內工業股 世界工廠嘅地位 相信仍然有一段頗長嘅時間無人能夠挑戰 因為內地除咗工業發達之外 內銷市場亦都非常龐大 當然綜合國力政治軍事都要配合稱職   亦係不可多得 雖然會太弱留強 但係亦都長做長有

    國內房地產暫主力在3333  原因都係跟集團主席有關  我買佢個人既野心多於恒大本身 ( 哈哈…野心佢有我冇) 剩低兩萬股  發夢價18蚊好唔好?其它的等收息

國內工用股 中國地大人多工業發達 加上有亞投行支持的一带一路 長遠睇仍有機會擴展

澳門賭業 中國境內唯一合法開賭嘅地方   內地資本長期過盛 間唔中幫佢地放下血降吓壓  哈哈…  拉長嚟睇每次下跌都可能係增持嘅好機會。而1928 派息都算慷慨

唯一嘅航運公司 2343
於上年擁有七十幾艘船 韓國規模最大的韓進海運宣佈破產時  就開始留意航運公司  做生意呀(少個香爐小隻鬼) 剩低嘅點都有著數   本來想買多少少 可惜佢冇息派  亦係全倉唯一冇息派嘅公司  現價未必係低 但係航運業就絕對係低潮當中  值得等待(唔等錢使嘅話)

    3368 上年尾開始留意到幾間大型百貨公司例如瑪莎於內地相繼結業 可想而知 傳統百貨業面對互聯網衝擊於水深火熱當中  但係相對地冇被淘汰剩 低落嚟嘅就食埋人哋嗰份  現價大概三四厘息就買少少  睇睇邊個可以笑到最後

19間公司話多唔多話少唔少 未來一段時間各自出海搵食 ~ (拜拜喇:唔好望返轉頭呀 )  將來終有一日又會再度回歸 ~2800




3 則留言:

  1. 今次寫到咁長,又話拜拜喇, 你唔寫blog 咩?

    回覆刪除
    回覆
    1. 呀~ joy好耐冇見
      吾係呀!之不過係盈富基金從來未試過 佔組合比例如此之低 哈哈… 真係有少少賣仔嘅感覺

      刪除
  2. 此留言已被作者移除。

    回覆刪除