無聊………、唔輸個陣

最近有興趣嘅幾間嘅公司 163   25   87   3368   1373……

第一間冇信心  第二間冇成交 第四間試過幾次都賺吾到佢錢   第五間我想買入之時先知要雙重認證   最討厭雙重認證不知所謂  若干年後又唔知使唔使三重四重五重認證   最後揀咗太古b用佢代替大象一段時間   (先前大象亦係代替2800)

 兩間公司都唔使介紹  但古b最近有大型基金出貨 現階段或者正係最黑暗嘅時候   决定攞起支電筒加兩粒後備電捐入去睇下研究下   經驗話俾我知現價有機會係大底   亦或者係無底深潭  但最重要係持有大象已接近兩年啦  始终要有獲利嘅一日  經減持之後再決定全清換馬至古b
否則我平日真金白銀嘅虧損就無法填補   反正買入當時都冇目標價 或者 自己做買賣從來都冇目標價   但係買入任何公司之前就一定有個(走佬)價   哈……  安全永遠排第一

倉內持有最耐嘅公司就係龍記  都要有沽出嘅打算  最近美美打出減税牌有利必有弊  誰有利？ 內地今日亦吹風應否減少或停止購買美債  哈……  唔使做架 吹下你都打幾個冷震啦 ！ 當然吾能夠真停   否則…………

(無聊 ) 今日指數31000點  同組合嘅公司加個目標價  以往一向反對目標價 世間瞬息萬變 何必畫地為牢？ 釘死自己？ 仲要講出呢？  能夠獲利已經好啦又何必計較賺多賺少   以往買賣諗到就去做  好少重複又重複回帶反省 (我做買賣只懂用本能直覺)  依家寫網誌有機會比自己再諗多次  哈…… 都叫做有啲收穫啦 ！ 勝兵先勝而後求戰  敗兵先戰而後求勝   模擬戰場幾多次都唔會錯！

自己目標價

87～ 就30蚊 返去賬面值   有時就係容易到你吾相信！哈……

2343～ 07年除息後估價最高係十幾蚊  假如 未來幾年環球經濟真正復甦的話  再加上內地嘅購買力  股價應該有創新高嘅可能  就升穿十蚊先算  其實好容易架！

900～ 我會睇大約九蚊  至於點解呢？ 我相信(九)係好意頭呀！哈……  都係好容易㗎！

255～ 自己仲掙扎緊現價 3.8 幾  我自己覺得應該要沽出換馬  就係唔捨得佢高息  佢真係好黑人憎 ！派咁多息做乜鬼？ 諗唔到啦！真係升先至算    呢個冇咁易因現價已經想走

1270～ 同古b一樣  年年收息等返到賬面值至算 就$5.6  又係太容易啦！

408～ 最近買咗隻八十幾歲嘅駱駝  (會唔會係瘦死駱駝比馬大)？  做生意佢一定叻過我  所以冇意見  但係我睇好未來頗長時間嘅商品價格  再加上內地周邊國家地區 漸漸增加嘅購買力  包括東南亞  中東歐 及一帶一路沿線商機  整個地球的餅大左 估價 亦有機會創新高  我覺得大概十蚊左右

哈……(賺錢) 真係太容易啦！……………………………………………………………………………………………………………………………………………………………………………………………………………  ( 吾輸嗰陣)😱