可以錯一次嗎 ？

要改名啦 ！ 環球經濟都未洗復甦指數就已經創曬新高 冇意思啦所以要改名 ！

除非又回復返以往機械式操作 (五個零時期)否則( 人性化)之下要多個零真係唔容易  其實三萬幾點既恒指都吾算太高 ( 恆指起步慢)

修身 齊家 治國 平天下   對上十多年時間每一秒都要求自己一次都唔可以錯   因為投資本金當初係要呢買物業嘅  做錯你就要瞓街啦！ 哈……  因我揀咗股票

十幾年間物業升值咗好多倍   相反恒指今日才回到十年前    用盡所有辦法石頭揸出水  頂住再投入再頂住再投入   已經跑輸好多啦！就算停低一分鐘對我都已經係奢侈！

依家忽然又回復有物業身份   綁咗我條繩十幾年啦已經梅梅爛爛 ！ 頭頂個金剛圈都生鏽啦！ 哈……  時間證明我抗氧化能力比你哋強

錯一次～對我嚟講已經唔再係奢侈啦！ 今日恒指 32860  預期今年大概15～16倍pe  但係經驗話我知大市要用往績睇   而唔能夠用預期計   否則就會摸頂 (因為無人能夠準確預測未來)  

我仍然會盡量滿倉   未感覺到要走嘅時候   我就係企喺度  我繼續企喺度  我就喺你面前唔太遠   哈……  😵