今日美元指數99.6   人仔繼續下跌
而有很多高估值  低股息的公司 包括公用股  地產股  金礦股  繼續捱沽
而心思思嘅178話咁快又變番三蚊邊
房產信託暫時只喜歡435
大型地產發展公司表面低估值  但樓價下跌後又係另一條數  中資銀行唔太鍾意要收股息稅又無派中期息 倉內上半年買入嘅405   410繼續捱沽  但以買入價計加上已收取股息還有十多%利潤  倉內五個版塊  佔60%金融類稍為好  佔10%的酒店類平穩   佔10%的工業類平穩  佔15 %的內地房產類稍差  其他电力股平穩   繼續等待今年最後一次換碼嘅機會出現

做個記錄
今日匯豐成交額,52億
港股通占11億
港股全日成交 720億
匯豐占 7%?  60蚊攻防戰

似乎美美命不該絕
出到個做生意的做總統。知所進退或者~可能~暫時~能夠避開國家分裂呢條路
今日~ 成條街都係專家  佢話咁咁咁   佢又話咁咁咁  (煩)
七嘴八舌  痴癡呆呆   坐埋一枱
不值一提。 而鄉下仔今日選擇做一件幾個月都冇做過嘅事~(洗抽油煙機)   樂得清靜

    投資市場上我最有把握   唯一最能夠肯定嘅 一件事就係  ~ (我永遠都唔能夠肯定)

     近日留意到有好多師兄都入手地產股  以(新地)(信和)股價普遍折讓賬面值三成以上   但現在香港的樓價高不可攀 而地產發展公司嘅估值 與樓價息息相關  我自己比較睇淡未來幾年嘅樓市  加上地產股息率大概四厘左右不太吸引   寫寫下發現恆指跌咗四百幾點  似乎唔夠多 唔夠闊 至小要有1000點以上波動先至會現形
  ~ 畀啲心機啦唔該

  59蚊的馬後炮  
     
      2006年11月匯豐第一家大行篤爆美國次按問題  07年立即為次按貸款作巨額撥備   09年更以28港元 每12股供五股  籌集125億英磅應付危機  结果08年美林畀美銀食咗  雷曼兄弟收咗檔  aig同花旗都係要政府幫助之下渡過難關
      2011年匯豐宣佈全球裁員三萬人  在拉丁美洲、美國、英國、法國和中東大幅裁員  但亞太區尤其係中國冇裁員不特止嚟緊仲會增加投入。 今年匯豐宣布回購25億美元股份   同時全球第二大再保險公司(瑞士再保險 ) 公布第三季度業績  季度淨利潤11.75億美元，同比跌16%  但高於市場預期的9.67億美元，公司表示將於最近開展10億瑞士法郎(10.3億美元)的股份回購計劃  
       似乎跨國嘅大企業都開始意識到自己公司嘅估值已經極度低殘  我相信最接近經濟嘅其中一個行業就係金融業  由佢哋嘅部署當中必定會發現未來經濟走向嘅 ~ 蛛絲馬跡

     就快啦~ 希望唔好令我失望   關乎新舊經濟體系既大戰好接近啦    最近內地已經連連出招   加上冇總額限制嘅深港通   等於滬港通都會取消總額限制   現在(港股通)年限2500億  本來應該深港通一樣   但現在加強版已改作 (無限水源大戰螺絲伯伯 )超過14萬張期指   無限精彩  有人選擇隔岸觀火  而我鄉下仔選擇滿倉參戰   原汁原味享受著整個週期過程   山雨欲來風雲色變

     12月13日 係今年美聯儲議息時間表最後一次 相信美元指數在96點附近都會硬加四分一厘 (斷估 )  勉強維持聯儲局信譽  貨幣政策變作貼金工程  檯面 次按之後有qe  更改gdp會計手法啦   縮表啦  停擺啦  枱底嘅就更多 製造地區衝突用作突顯美元安全  繼續維持美元紅利
     綜合國力就只剩低軍事優勢  但對於擁核國家就冇  財可通神 冇錢就事事力不從心   當年英國自己走落神壇交低把屠龍刀比美美   誰不知原來仲有把倚天劍收埋   相信英國上年加入亞投行時  劍已經順利放咗喺 ~ 北京故宮博物館啦!

    國家統計局公布數據，2016年10月份，中國製造業採購經理指數(PMI)為51.2，比9月上升0.8個百分點
   生產指數為53.3，比9月上升0.5個百分點
   新訂單指數為52.8，比9月上升1.9個百分點，
   原材料庫存指數為48.1，比9月回升0.7個百分點，
   供應商配送時間指數為50.2，比9月上升0.3個百分點，
 
   全高於預期   ~   多得人仔下跌嘅功勞?

    剛收取900中期息$5370
倉內有現金$3900+$5370
 
   = $ 9270

買入1098 ~3000股×$6.59=$19770
持倉回升至12000股
倉內現金=$23738  - $19770
   
  =$3900

    剛收取405中期息$3738
倉內有現金$20000+$3738

     =   $23738

     話说記者喺廢棄電腦裏面搵出韓國政府大量機密文件  其中有一部分係朴槿惠既演講稿   而呢啲演講稿都係經過修改嘅   部電腦嘅主人竟然唔係政府部門嘅人  而係一個叫崔順實的人  26日韓國已有多間大學發表聯合宣言  要求彈劾朴槿惠   以佢現在嘅支持率得25 %    睇嚟同薩德系統 三星note 7 一樣都係改錯名

買入902x$4.77x18000股
=$85860
倉內有現金$106721 - $85860

  =约$20000

    華能國電想加佢入組合已經有一段時間    但我最討厭冇中期股息嘅公司  以倉內组合利益為前題下   沽出以美元結算的1426 換馬902成為倉內唯一公用股

 剛以$3.3沽出1426~25000股
=$82500
1426今年5月10日3.39入手 其間收中期息十三仙 打個和   套現準備換馬至一間好想買入但不想持有的公司
倉內有現金$24221+$82500
   
    =$106721

    今日美元指數98.77   12月份象徵式加四分一厘應該冇走鸡  可惜人仔兌美元繼續下跌   但相對地明年gdp很大機會高於今年的6.7   倉內有一些工業股或會受惠於人仔貶值。而大宗商品價格和波羅的海乾貨指數  兩幅十年图睇見都有小小 ~心動

      有咩係無價嘅呢    回憶算唔算係其中一種   假如回憶等同於我哋嘅經歷   雖要錢時就將自己嘅回憶出賣   慢慢我哋就會變成一個沒什經歷嘅人  一個少經歷嘅人就等於一切都要從頭再學過    而從頭再開始過又會牽涉到更多嘅時間   時間呀 !  眾所周知  *金錢買唔到時間
      或者回憶唔屬於無價  或者只係難於定價   反正就算將我地嘅回憶包裝成為一件商品  用金錢就可以買得到我嘅回憶   但係又體會唔到我嘅經歷  感受唔到整個過程   呢一件商品對其他人嚟講 可能都係一文不值

       似長期持有一籃子好股票一樣   經年累月  股價上上落落 除淨後又再派息 年復一年 複利滾存   不斷降低買入成本   整個過程之中 正係投資者在股票市場上嘅 ~ 回憶價值

北宋诗人苏轼《题西林壁》

横看成岭侧成峰，遠近高低各不同。
不識盧山真面目，只缘身在此山中。

      人民幣下跌加上嚴控房地產政策  對於某一類資金 想高位出逃班師回朝的希望又再一次幻滅  哈哈 中國嘅樓市只係局部地區火爆  內地十幾億人近呢十幾年交通網絡四通八達   農村嘅人向城鎮遷徙 城鎮嘅人又向大城市遷徙 造成局部嘅地方樓價火爆係正常現象   2015年廣州市人口約1350萬 北京市人口約2100萬   以中國綜合國力加上近十幾年嚟基礎建設嘅戰略佈局  估計未來二三十年  內地會出現大概十個左右3000萬人口級嘅超級大城市  而呢類大城市樓價因供求關係 永遠都會被扭曲

  剛收取410特別息5276
倉內有現金$18945+$5276
 
   =$24221

   神十一順利升空   人民幣兌美元六年新低  
今日以9255港元買入八千人仔 壓倉做個記念
倉內有現金$28200減$9255

  =$18945

當每一次打風嘅時候   在我天水圍屋企個窗口望出去濕地公園    意境淒美百看不厭

今日作出少少調動希望能夠增加17年嘅股息收入
賣出5000股盈富基金。$23.95
賣出11000股路勁基建。$6.6
套現   $192350
買入3200股匯豐。$58.4=186880

    現金  $5400+倉內現金$22834

 =$28200

900×30000
255×46000
511×1600
1270×40000
125×34000
405×24000
1426×25000
410×24000
1881×45000
2800×20000
005×10000
1098×9000

       點解?覺得今季初啲四隻腳咁難捉摸呀。
始终都係股仔乖D   放多小小時間都係值得
       美元指數97.5 7現在10月。人仔繼續探底
近呢幾個月有用嘅消息都幾多。有人仔加入sdr有法國總統選舉。薩爾科齊又走出嚟搞搞震  世界嘅經濟仍然喺個漩渦裏面   唔太好又唔太差  各方陣營當中只有中俄比較齊心。其他美國大選最快要出年先有精神時間處理大問題 ( 但係破壞就進行當中)   歐洲  英國脫歐之後法國絕對唔甘心比德國做老大(又喺個枱底踢來踢去)   而德國嘅經濟實力比法國強大   仲有加拿大新人事新作風 有個好嘅開頭  仲有澳洲不值一提   仲有新加坡有個馬六甲海峽声大大  心地壞。 仲有日本  整個地球最表裏不一嘅國家  仲有中東  東歐 .....好似仲有好多   軍事上比較突破嘅有我軍最近嘅戰鬥機群到西太平洋演習   有量子通信衛星成功發射   有四川省嘅全球最新最強大嘅射電望遠鏡完工  仲有......   無

   人民幣順利加入 sdr 從此人民幣就等同擁有不死之身
    9月12日中俄喺南海聯合軍事演習同時。 我軍十多架戰機飛越巴士海峽   美美同時派出十多架戰機攔截  雙方花式表演一輪然後各自回家
    9月25日  我軍又有四十幾架戰機   包括戰略轟炸機  殲擊機  預警機  加油機等多種型號   穿越宮古海峽前出西太平洋進行大規模軍演   但今次再冇人攔截  以中國今日嘅綜合國力   至少喺亞太地區已經稱霸    當中包括西太平洋志在必得

   剛收取1270朗廷中期股息 $4650
倉內有現金。$18184+ 4650
 
    = $ 22834

     中國內地樓市支撐著最少50個以上相關行業   如果相信政府會真正打壓樓市      就等於相信豬會飛上天上一樣難   兵卒在閒置時比在戰場上更難安置      持有現金倒不如繼續持有相關股票

     剛收取511電視廣播中期股息930元。511於今年8月5日26.35買入  本想於大約20元再買入多五萬元   以港股現在嘅市況睇嚟機會吾太大         除非末期股息大幅度減少  但只要511息率不低於7%   我都會繼續觀望新股東會為電視廣播帶來什麼改變
    倉內有現金$18184+$930

    =  $ 19114

    振興工業振興製造業應該係下一任美國總統其中一項重要任務    而另外一件重要任務當然係搵機會打仗啦                
    強勢美元之下不利於製造業出口   假設嚟緊嘅五至十年係弱美元為主的話  投資者 應該提早搜集弱美元情況下嘅投資策略
   股票  樓市  外幣  一切商品價格 都會因應美元嘅強弱而有所影響  
   你準備好未?

    剛收取005匯豐控股季度息$5244
倉內有現金$12940 +5244
 
=  $  18184

   剛收取1098路勁基建中期息$2570
原來9月20號已經過咗數
次次過數都有早冇遲

倉內有現金10370+2570 = $12940

     我相信唯一能夠令自己長期獲利嘅辦法就只有製定戰略目標一種
     何為戰略目標   人生目標就屬於你嘅戰略目標其中一種   戰略可以運用於資本市場幫助自己獲利   而投資者又可以利用資本市場達成你嘅人生目標  
      首先要制定你自己第一個戰略目標( 當然唔可以只係為咗贏錢    要謀全局要謀長遠 )之後再運用戰術變化配合   一步一步實現
      點樣嘅戰術?儲蓄可以係戰術  節儉可以係戰術  收取股息可以係戰術  資料搜集可以係戰術。分析財務報表也可以係戰術  戰術會因應環境而作出調整改變   但無論用邊種戰術  最終目的都係為戰略服務   不可偏離戰略目標為原則
     我自己以前就係以盈富基金為核心   於股市週期性上升嘅時候  化整為零賺取最大利潤   相反在我確認進入週期性下跌嘅階段時  就會將佢哋慢慢投入返盈富基金裏面   當然係計埋股息入去    一放一收為之一個週期。我自己認為由 08年至16年 8年時間至今日   依然在同一個週期當中   所以至現在仍然係~滿倉

剛收取1426中期股息 $3220
倉內現金 $7150 + $3220

  = $ 10370

   倉裏面而家有十二間公司  希望喺下半年有機會增加多1~2間
   以下嘅目標  
 408
 880
 178
 3333  
 1 2 3 4
 2343

     如果毒藥嘅定義在於劑量   維他命食得多都會中毒。而砒霜也可以醫病。投資風險嘅定義點樣界定    我認為投資風險嘅定義在於本金對你自己嘅重要性
      設勿孤注一擲   盡量化整為零   利用組合分擔風險   利用股息分擔風險    用平常心分擔風險

生於憂患死於安樂
     
       任何事物發展至到極端都會引至臨界狀態出現  ，臨界狀態會引致沙崩現像  。每一次沙崩都係釋放臨界狀態壓力既表現， 而最終達至相反的臨界狀態出現  ~ 循環不息 。
       中，美，日 ，歐盟  多方綜合國力正在逆轉 各自演繹臨界狀態  
      而股票市場對上一次臨界狀態嘅出現就係15年4月由兩萬八千點  只係半年時間  下跌至19000點   下跌三成
    同樣只係半年時間   07年11月恆指高位32000點 直落至大约12000見底 結束由04年至到零八年 四年大牛市 大約下跌六成   硬著陸式沙崩
    恆生指數由1996年至到2016年  二十年時間裏面  (除咗2000年至到2003年長達三年嘅熊市之外 ) 每次大跌市都好少多於一年  通常大約半年時間就結束 之後又再從新進入牛市 歷史不斷不斷的重複   目前全球經濟都正在風雨飄搖當中 就正正體現出 ~  生於憂患 死於安樂
   

剛收取125新興光學末期股息 5750元

 +現金1400 = $7150元

  因應1 2 3 4新訂貨單有接近一成嘅倒退 或會影響到全年派息率    今日以4.44沽出1 2 3 4中國利郎17000股  套現 75480元
  中國利郎買入價4.86收取中期息0.13等於成本4.73  = 虧損6%
   組合有現金9420加75480元
=$ 84900

再以2.08元買入1881富豪信託40000股
   =$ 83200元
扣除手續費組合有現金大概1400元

  繼續滿倉

啊~原來今日係中秋節
 所有人都中秋節快樂啦

剛收取255龍記中期股息5490
 
組合現金3930
   
     =$9420

   九月大豐收

9月9日       1 2 3 4中期息13仙
9月14日     255中期息7仙
9月15日     125末期加特別股息17仙
9月23日     1426中期息13仙
9月28日     005 中期息10美仙
9月30日     1098中期息13仙

  股市上上落落可以不理

9月12日  人民幣兌美元中間價報  6.6908下調224個基點  連跌三日
   美元指數95.11  
九月双方繼續糾纏     仍然無加息可能性
   現價恆生指數市盈率大概十一點五倍
半年前大概最低喺萬九點當時大約係8倍pe
   繼續滿倉前進  大道至簡

   剛收取1234中國利郎中期息 $ 3030

组合有現金900元 + 3030
 
    现金= $ 3930

       打江山
  深港通最快要年尾先至實行   9月又話內地保險資金可以經滬港通投資港股   同時內地亦有接近3萬幾億嘅養老金蠢蠢欲動等機會進入市場   可能包括香港   相信最快出年又有倫港通 倫滬通 將來整個歐元區嘅資金好有機會經倫敦  直接投資於中港兩地   英國扮演中歐兩地嘅金融橋樑角色 而香港嘅投資者真係幸運到無話可說

     不要被技術指標蒙蔽  ~  只有加息

一個健康嘅大牛市必定係伴隨著緩緩上升嘅息率 只有穩健嘅經濟增長   息率先有條件緩緩向上 而企業盈利先有機會反映喺估價身上   將經濟納入正軌良性循環  喺呢種情況下先至有條件孕育出大牛市  除此之外任何國家或機構  以無形之手進行干預    都不過係螳臂擋車  飲鴆止渴。

     杭州峰會順利閉幕暫時仲係收集緊信息
 估計越接近十月人民幣入籃  人仔應該會越顯強勢而美元指數 會上沖接近100接近加息預期  今日係94.83
     如果係就皆大歡喜和氣收場   如果唔係就  ....

       有啲事情每日你都見到  但係偏偏就忽略咗佢  平時冇留意最近先發現  原來好多網誌都加入咗免責聲明  而內容大致都係千篇一律  
       到底點解要加入免責聲明  係幾時開始  係咪有人中過招 到底有冇法律效力   記憶中好似冇乜印象   唔好理有冇用啦自己都加番一段先   其實呢種聲明都算係一個溫馨提示。
        畀到作者同讀者双方一條護城河   提醒雙方面都不要太過投入   適可而止

     當情況逆轉嘅時候~
 講下佢嘅風險    英國脫歐嘅代價可能會引至蘇格蘭獨立  上次嘅投票率 支持獨立嘅係44.7  反對嘅有55.3   但係如果脫勾後嘅英國經濟稍有差池  必定會再次成為蘇格蘭要獨立的藉口   而英國嘅核武庫都係蘇格蘭   失去就等於變成一個無核武器國家 甚至乎會失去聯合國安理會常任理事國一席  ( 五個常任理事國都係核大國) 如果英國失去核攻擊力量  西班牙可能將會直接衝擊英國在直布羅陀半島的管轄權  取而代之  樹倒猢猻散到時嘅英資企業 包括(匯豐 )可能都會被其他發達國再以各種名義 ~ 罰款又罰款  

      就算有滿天神佛  到頭來幫到你自己嘅就只有你自己
不經不覺港股已經升咗半年啦 兩萬三千點  大概11倍pe 恆生指數喺呢20年裏面大概都係八倍至到二十幾倍嘅pe之間走動~  以上的資料隨時都可以喺網上搵到  無需要專家  無需深入調查隨手就可得到  就好似一本百科全書一樣 就係等緊你揭開第一頁   雖然歷史唔代表未來  但係有一定嘅參考價值  要做投資嘅就應該盡量喺低位建倉  而唔係滿街股神嘅時候
就算有滿天神佛  到頭來幫到你自己嘅就只有你自己

    今日59個半嘅匯豐股息率大概係六厘半  兩個月時間由低位回升接近35個% (一發情嘅大象 係估佢唔到 ~除非你係飼養員)
    匯豐中銀合作
  (波兰寻求发售人民币30亿元“熊猫债券”中国银行和汇丰银行是此次交易的联席牵头承销商。)

       任何有價值嘅消息一定係有前瞻性嘅   而冇前瞻性嘅消息喺我眼中都係冇價值
       中國8月官方服務業PMI升至53.5
同月 中國製造業採購經理指數(PMI)為50.4%，比上月上升0.5個百分點，重回臨界點之上。 經濟轉型漸漸見到成績

賭枱上的打火機

       以前做廚房落場有兩個半鐘頭  每日都兩個半鐘頭  邊有咁多事做  就去睇戲啦   執張紙皮去後樓梯瞓覺啦   去健身中心啦  去打遊戲機啦   但係最多同事選擇嘅就係賭錢   通常都係十三張 鋤大d 同埋 一鋪就可以冇左幾個月糧 嘅 showhand   試過有個同事玩三公一晚輸咗十幾萬( 係20年前 ) 第二日已經再冇返工啦 !
       賭錢有好多方式 幾乎每人都有佢自己嘅心得   但係有一種方式我喺廚房見咗十年  而又印象深刻   用喺每個人身上嘅結果都係一樣嘅   ~ 就係賭枱上嘅打火機   輸到要掉個打火機出去當100 輸埋   再調包煙出去當300 輸埋  再調埋個銀包出去當1000 輸埋   如此類推而結果只有兩個     一個係莊家唔再受   另一個結果就係輸到要走佬   而我深信呢一種(行為)就係惡性循環既一個例子