組合變動

天才令到樓價高踞不下
才有人高攀不起
天才令到股市長期橫臥
再冇人高攀不起
站立於塔尖塔頂而自居
群眾自不然掘你祖宗山墳
千里之堤潰於蟻穴 
有诸形於内  必形於外


去睇吓群眾就知道大嘴巴本錢有多小。  學吓點樣可以任性   

股市牛氣沖天等於分紅所有投資者
就算係賣菜就算係失業就算係學生只要有少少投資你就可以分紅 
可以分享國家以及企業發展成果
群眾自然擁護 支持 

就似內地當年加入世貿一樣 都係貧窮落後發展國家擁戴擁護 相互支持

分贓唔勻就自不然起哄 
啊 ！幾千蚊收到未 ？ 
點解未？
因為有需要慢 
若快又何來怨 ？

無配合那會天衣無縫  嘻……


19年6月13日

股市組合五間公司今日開始再鎖倉
就現在5間懶得去調整。  否則高息嘅真係太吸引
換著以往今時今日肯定成個地球一人一腳踩到你死為止 
鄉下仔組合決定不閃不避
就傻更更企喺度。 等………
就喺最前面
最當眼嘅地方   又等…………

持續半年嘅空倉力量都唔會少
背後力量更加唔少。 
今次應該會幾精彩刺激

又睇吓你隻烏龜可以唔食野幾耐

哈……

發噏風

若然世上任何生物體只會做對自己有利嘅事。  呢一刻邊個贏咗？
上證 = 2900
恒指 = 27300
道指 = 26000
食咗飯未呢 ？ 就係得咁多 ？
勝負未分   明顯雙方都未盡全力
膠著就係損耗    期待下半場大力D
~ 唔該呀！

又話落唔落床係自己揀   搵鬼老襯 晚晚都諗起個廣告
落唔落床梗係由個腎去決定啦 ！ 
鄉吓仔有鬼得揀咩
路難行  不在水  不在山
難在個三十六度洗手間

當窩囊第一次邂逅蝸牛   佢哋嘅結晶品會唔會就係鍋貼呢 ？

答係嘅攞咗紀念品之後再投過胎啦
哈……
   

選擇題

A。  想反璞歸真回歸漁港
B。  想再工業化
C。  想？？？？

以下請你作出未來五年嘅投資決定
A    繼續左手鬥右手半好倉半淡倉
B。 相信國運   相信人仔
C。 相信大咀吧  相信美刀
D    現金是王

噢 ！又一日、…、
當內地嘅畢業生用宇宙速度去追
趕嘅時候   
當發達國亦感到刻不容緩嘅時候
鄉吓仔都做曬一日要做嘅功課啦！
環球政局軍事以及基本經濟數據每日過都萬隻字   就算睇完睇曬仍未必賺錢 
但要完成一場比賽最基本概就係 ~ 練


要去罷就去吧。 
可惜大氣層內只論成敗
對與錯只係同小朋友講。 

避~

（INSTEX）即将開工啦！
哈……  斬你一刀先


想吹笛但吾代表有人想聽   還是已經覺得又係時候？  奇怪在經常都覺得係時候？  個個都會計錯不過次次都錯就有啲奇怪啦！  出份糧廿幾年依然係一塌糊塗   要改變吓唔太難開少啲冷氣抽少幾支雪茄飲少幾杯紅酒   由發肉時期變回發育時期 
個腦或者會清醒返啲 

國運喎！鄉下仔合指一算大概未來一兩百年…… 
嘩………  唔到你唔服

15年至今第3次啦   冇本事就交返支旗出嚟唔好攞嚟當撥大葵扇 
有學歷吾代表有能力   打左邊一巴就去撳定右邊塊面    注定窩囊
做得放開手腳船頭驚蟻船尾驚曱甴
要似匯率一樣義無反顧斬崩刀 
要做一定做到   要見就攞嗰個頭嚟見 

其實高息工業股就係組合至愛 
窩囊得閒無事打吓鼓又響吓鈴鈴又搖吓旗    模稜兩可搞到組合要捐曬入去內房

係避難呀！    哈……   
頂咗你個肺之後舒服咗好多
醫生~我唔使食藥啦………

啊！多謝 $860
點解咁貴唔係 $220？
係食藥$220     唔食$860

唔食藥就當然係心理醫生價錢啦！
哦  ！ ………

五體投地

所以話有才嘅去曬經商
有膽嘅去曬揸槍。 
剩低嘅去做官
再淨低嘅做觀
嘻……

買入 2799

買入2799❌$1.37❌32000股=$43840
共持有=52000股。       均價=$1.48


現金=$27500

完美

F-35 加 S-400  又要矛又要加個盾
想多多功能(土耳)真多心呀    要記得 歷史敎訓所有六神合體軍事力量只會不堪一擊    玩吓都死更何況未輪到你   軍事力量從來冇完美

今日好嘈呀 … 加上升市 … 好搞笑    哈……    心想組合內房走勢最差個恒大    一切疑問應該今年可以水落石出      好呀… 繼續落後畀機會我遲吓搬磚頭 
地球個個都爭住減息    一班臭皮匠擋唔擋得住諸葛亮？ 
答案係 99%保唔住亦擋唔到

華記一定要自己插旗啦！捉人再加大包圍都改變吾到   5個G攻守將要逆轉 
龜波音亦就快死得啦 
你踩我條尾
我抆你褲腳

老歐洲想繼續生存亦只有掙扎再掙扎
否則世界再冇你嘅事 
想政治同經濟分開 ？
想軍事同經濟分開 ？
想政治同政治分開 ？
歐盟一開始就係失敗
完美制度之下根本永遠冇可能團結一致    倒不如盡快化整為零各自發展    再拖就快會畀大咀吧吞落肚啦 

人   追求完美討厭缺憾 

但   缺憾反而造就完美

早餐A 十 換入3333

沽出1918❌13000股❌$33.4=$434200
持有20000股。           均價=$ 29.68

買入3333❌21000股❌$20.35=$427350


現金=$  71800

缺乏彈性就同血管一樣遲早會爆
當年食螺絲可以橫掃亞洲   其中因為亞洲比較守諾言有誠信  而最重要係規則寫曬喺板度   加上有個係海綿體嘅大腦袋   結果就係畀錢買教訓 到最後特區係塊板上面加多幾條規則   咁樣就做低咗對方啦！

過程可以出本書買到成個地球   再加啲鹽加啲油落啲沙律醬煎隻太陽蛋
好似喇越嚟越似啦   睇個樣我估都食得人啦   係可悲…係懷才不遇…係天妒英才？ 
其實 ……係個早餐A
但係失敗原因得一個 ~ 搬龍門

大嘴巴做嘅就有啲似當年食螺絲
我賺到你錢就係公平   否則賺唔到你錢就係唔公平。 你賺到我錢又係唔公平你賺唔到我錢就係你冇本事。 睇返當年點樣對付食螺絲   又可以點樣應付大嘴巴

好多年前嘅今日同個friend去飲茶
問佢點解得你一個   佢話老婆帶埋兩個細路去一個地方爭取一啲嘢
佢又話要從小就灌輸畀佢咩叫做正確喎！
但你兩個細路讀緊幼稚園咋喎！
混亂起上嚟佢照唔照顧到㗎  點解你唔跟去幫手呀？

哈……  最近翻睇(我和薑啤有個誤會)
小玲就似係被詛咒一樣捉鬼喺天職
出世開始就被灌輸繼續灌輸不斷灌輸   世世代代亦都係天職直至殺死殭屍王為止 

點解… 點解殭屍王要死 ？
因為殭屍王唔可以唔死

點解…點解殭屍王唔可以唔死？
因為殭屍王唔死
我哋就冇得食雞髀…………
哈……

乜電視機唔係話落唔落糖由我哋自己揀㗎咩 ？ 睇嚟鄉下仔大腦亦都缺乏海綿體啦！

19年6月1日倉

2019年 6月倉位。

再創新高投資組合      4間                                       

                                                                     
                                                                   
                                                 平均價                                                                                                                                                                                                                                                                                                                                                                                                                                                               


2799    華融X20000股。   $1.66
現價=$ 1.33
上升=%               下跌= 20%
倉底。                 19年1月15日
市值  $  26600             
佔組合=  1.5%
幻想目標價=$ 4.4

有房出组       80呎  X  葵涌          $7500
現價= $ 三樓
上升=    %             下跌= %
倉底。                 年 月 日
市值= $                 
佔組合= %
幻想目標價= $

1918。 融創X33000股    $29.68
現價= $  33.8
上升=  13 %                 下跌=%
倉底。                     19年1月18日
市值=$ 1115400             
佔組合=   65 %
幻想目標價= $  46.8

3883。 奧園 X30000 股。   $9.4                                 
現價 = $ 8.47
上升=  %                下跌= 10%
倉底。                       19年5月7日
市值=$  254100             
佔組合= 15%
幻想目標價=$  10.2

1030     新城 X32000股。   $9.16
現價= $ 8.55
上升=%                下跌= 7 %
倉底。                     19年5月7日
市值=$  273600         
佔組合= 15%
幻想目標價=$ 11.7

                                                                                                                                                                                                                                                                                                                                                                                                                                                                                                                                   
🐇🐇🐇🐇🐇🐇🐇🐇🐇🐇🐇🐇🐇🐇🐇🐇

17年1月至今股息
= $ 212364


港元市值=$  1669700

現金= $ 165000 
6月份再減值十萬
現金= $ 65000


全倉總值 = $ 1734700 +$ 11182息

=$1745800


19年1月至今股息
= $ 11182

6月份。 新城 = $ 11182

7月份

8月份。



组合減值～
17年11月減值=$50000
17年12月再減值=$800000
18年8月22日再減值=$150000
19年6月1日再減值=$100000

共减值=$1100000


市場~
420。837   1171。1266   1848   3383。 3333   舊貨通通又回復至八厘以上極之吸引。  極之鬼怪嘅市場
哈………   但組合經過減值後股息率現時吾太重要   因為基數已經唔同
只會偶爾踫一下運氣並唔會長期持有

持續超過一年嘅(貿易節)   有賭徒大嘴巴又有投機取巧嘅賭客以及熱血沸騰的群眾    依依哦哦……吉利咕嚕…… 三心兩意… …四方八面 ……五湖四海…… 六神無主…… 七嘴八舌…… 八八啩啩……九屁不通……十室九空………………………………   空倉
但擁有十三億七千萬員工嘅賭場主人則沉默到冇脾氣  哈……

(焗歌)~拍住大嘴巴豪賭天下結果繼續撞牆   什麼宇宙通訊協會瞓醒覺就改主意
證明全局臨時拉夫一盤散沙不知所謂   政治經濟軍事通通不知道   
就只會做show  +  掉石頭
天真農民拍住佢結果撞牆   加國奮不顧身直頭撞穿牆   其他中東以及幾條重要航道懶得講    環顧全球就只有搞死老歐幾個浪漫政客

一個人好賭又貪心  想一啖就吞走個羊腩 ？  啊  …至小都要知己知彼呀！
幾時見過得勢嘅一方會力竭聲嘶面目猙獰？
乜野水平？ 難得一見嘅對手更要珍惜好好保護    期待連任再連任
哈………
繼續講啦鏡頭影住㗎…… 講到自己精神分裂
繼續顛倒……直至心理唔平衡為止！  呢份咩工嚟㗎 ？


組合～
有D可惜呀 ！此路不通為有求變啦
先求股數再取基數    吾怕兜個彎行多少少冤枉路   但盡量唔要撐得太遠
否則越會接近另一個方向
 
B貨~
作為烏龜唔應該去抱怨自己個殼有幾重    想去天際翱翔就只有雙手化做翅膀 
從來想嘅就係正在做而唔係正在諗 
想打敗敵人亦先要搵出對方所在 
好多時好多事亦係…
必須嘅 …
值得嘅 …

心有病

透過戰爭霸佔別人土地歷史證明最終必定失敗。  掠奪他國文化就比較容易成功   

從五個位升至六位數字而不休。  一路達到更高基數仍然去掠奪霸佔嘅。 到最後亦可能只會得到土地。

若買賣終極目的為(可以)减值而做。
減值等同套現。  套現下一個(可以)

先有空間後再減值    有空間就有機會再去填滿。 同時亦可因調配空間而創造出機會
透過減值騰出空間亦能保持初心不變    唔會因為市值改變而去踢走成功嘅基石
就算每年有龐大股息收入亦不過如是。   源頭始終來自土地

用開山劈地得出沙石材料   去建設土地改變面貌及建造堡壘………… 
都不過取之土地而再建於地上

換煲不換藥    病情又點會好

點解要解？

點解要慢慢唧牙膏呢？因為佢就嚟冇囉！ 就似中興 一樣慢慢發酵然後再慢慢盡量拖長    一個新煲都係舊嘅藥雞毛蒜頭皮    有牌就吾洗拖著慢慢打無私顯見私 

什麼藝術 ？來來去去就得一招亂石投林    石頭再多都有掉曬嘅一日   不過掉石頭都會有fans去研究下佢面分部表情   拋石姿勢   再剖析佢心態各樣    等等……、
真係~得閒

用戰略圍堵一個競爭對手合情合理    都不過係戰術以及人力嘅運用
想透過對方避開石頭嘅時候乘虛而入   以為不停國際上鬼食泥鬼食泥就可以指鹿為馬 ~ 幼稚

組合能否經得起考驗
就似係箭會否射中靶一樣
或者考驗並唔係射箭嘅人
更加唔係箭靶   
又會吾會係弓箭本身設計呢
哈…… 真希望組合可以自動導航

兵

瘦死的駱駝比馬大    資本市場上對方兩三年內就駱駝嘅身型變成恐龍上戰場。   而另一方則由馬變成小狗
就小狗身形都擔心太礙眼再變成烏龜 

你睇我唔到你攻擊我唔到…… 我感覺到好安全

哈…… 誰不知自殘並無帶來憐憫
反而踩多你兩腳 (無心嘅)   始終跟紅頂白佔大多數。

有時勝唔代表大
反之去敗則變強 

從開始就以對方標準為自己戴上枷鎖    普世價值觀一步錯步步錯   仗一路去打地越變越少    內心冇自己嘅錨就只有任人擺佈   

或者最差情況之下恐龍變返駱駝 
不過烏龜又唔知可以變成乜呀！

快D啦……

心想事成 
希望融創今日可以跌穿三十蚊
快…快…快呀。 
人仔跌啦    樓市崩潰啦    經濟衰退啦
君子不立危牆下 …………… 
不過鄉下仔係無賴喎 ！哈………

快=慢

貴出如糞土。 賤取如珠玉
邊個板塊最貴？那個又係賤？
做買賣真係要學吓古代人哲學 

馬騮就快要拉屎啦 ！
若果唔係有滬港通深港通    恆指大約會二萬點之下運行   就快爆邊啦
爆上爆落冇問題    期望可以$30邊再增持多少融創    再$26增持一次然後鎖倉   到時應該低於三倍pe及五厘息有多 
希望順順利利啦！
今年繼續三部曲策略
1  跑贏恆大
2  跑贏恆指
3  到達目標價。

貿易碰撞打打談談   小丑玩魔術馬騮打關抖   最终倒霉嘅必定係投機取巧
者。  上年最得意嘅大嘴巴bili咕嚕就可以三萬四碌到落兩萬五     今上半年又再次接近三萬   然後佢又bili咕嚕 ~ 哈…… 市場又恢復跌勢
相信之後大至會同以往一樣   內地拉牛上樹擔泥咁擔去令市場恢復秩序 
佢又大力又肯做喺邊度搵 ？ 
大嶼山 ？

國運果然比能力重要呀！
 

前後左右中

任何組合都應該係三維立體嘅。
吾係寫於簿入面嘅獨立個體
有前後左右中  中間多數係空嘅

最強居中或前
最強於中間周旋   左右協助
最強於前方周旋   後防上前協助
最強於前方敗陣。 左右上前替代
最強變左右  後防變中
左右於前方敗陣   中上前
左右回左右  最強由左右回中
5月9日中於前而最强由中上前
變為前左右 
再等……

沽1848入1918

沽1848❌$8.75❌55000股=$481250

入1918❌$36.5❌13000股=$474500
共持有33000股。     均價=$29.68


現金=$165000

沽1359入3883入1030

沽1359❌$1.99❌290000股=$577100

入3883❌$9.4❌30000股=$282000

入1030❌$9.16❌32000股=$293120


現金=$159000

沽3333入1848

沽3333❌$24❌21000股=$504000

入1848❌$8.96❌55000股=$492800


現金=$158000

奉獻

鄉下仔提議 ；

我哋以後劏魚 最佳嘅辦法就係由英國派專家過嚟執行屠宰   然後再由美國人道主義專家親自監督     再經歐盟28個成員國一致通過檢測合格   證明條魚係安安樂樂冇痛苦無牽無掛嘅自願離去    然後再開出一張認證畀你哋合法買賣為期一年   三年後再全面推廣輻射上內地為國家文明作出貢獻   不過咁多人力物力喎當然要收番多少車馬費啦！ 合理

跟住落嚟第二部   應該就係懷疑會食壞人嘅臘腸。 月餅。鹹蛋。鹹魚。之類嘅危險食物。 尤其是歐洲美國英國之類先進國家唔畀入境嘅  可能唔適合人類食用嘅以及佢地唔知係咩嚟嘅東西    通通要經過檢測先至可以售賣   否則人家會唔鍾意  人家會尷尬人家會笑我哋落後

至於點樣監察以及幾時執行   我哋會參考慣例 重金禮聘歐美先進專家以及顧問公司提供意見 

睇嚟冇時間啦 ～ 我哋唔能夠抱殘守舊啦 
我哋一定要迎合 … 然後迎合 … 再繼續迎合 … 就算直到捱出職業病~亦要
為我哋嘅將來以及下一代 
為人類文明作出貢獻 

多謝大家

沽3323入3333

沽出3323❌$6.78❌76000股=$ 515280

買入3333❌$23.9❌21000股=$501900


現金=$ 147000

沽2799入1359

沽2799❌$1.57❌230000股=$361100
共持有X❌20000股。   均價=$1.66

買入1359❌$2❌173000股=$347730
共持有=290000股      均價=$2.04



現金=$ 134000

買入1359

買入1359❌$2.09❌117000股=$244530

現金=$121000

沽2343

沽出2343❌150000股❌$1.61=$241500

現金=$ 366500

19年5月倉

2019年 5月倉位。

再創新高投資組合      4間                                         

                                                                     
                                                                     
                                                 平均價                                                                                                                                                                                                                                                                                                                                                                                                                                                                 


2799   華融X250000股。   $1.66
現價=$ 1.68
上升=%               下跌=%
倉底。                 19年1月15日
市值  $ 420000。    佔組合= 20%
幻想目標價=$ 4

3323   中建材X76000股    $6.59 
現價= $ 7.29
上升=  10%             下跌= %
倉底。                 19年4月2日
市值= $ 554000。   佔組合= 25%
幻想目標價= $

1918。  融創X。20000股      $25.55
現價= $  40.45
上升=  60%                 下跌=%
倉底。                     19年1月18日
市值=$ 809000。    佔組合= 40%
幻想目標價= $  60

2007。太航運 X150000股。 $1.65                                       
現價 = $ 1.61
上升=  %                下跌= 2%
倉底。                       19年4月26日
市值=$ 241500    佔組合= 12%
幻想目標價=$

                                                                                                                                                                                                                                                                                                                                                                                                                                                                                                                                     
🐇🐇🐇🐇🐇🐇🐇🐇🐇🐇🐇🐇🐇🐇🐇🐇

17年1月至今股息
= $ 201182


港元市值=$  2024500

現金= $ 125000

全倉總值 = $  2149500


19年1月至今股息
= $ 未出糧

6月份。 中建材末期$

7月份   融創末期$

8月份。 華融末期$

组合減值～( 按揭之類 )
17年11月減值=$50000
17年12月再減值=$800000
18年8月22日再減值=$150000
共减值=$1000000

咁快又5月啦！話咁快又中秋！ 然後又到年尾時。 若果加入先前減值今日組合就係$3149500 
唉！真係艱難呀……
到底地球係咪縮細咗？
現在嘅時間同以往有所不同   感覺而家一日只有18個小時    但係比起以往鄉下仔勤奮讀書嘅時候  今日過得都算係漫長！  嘻……

1266  420  1848。等等舊將……  今個月就會除淨而息率都係好和味
不過盈利增長暫時都只係一般 
證明魚與熊掌之下市場仍然有好多選擇就算係三萬點左右

組合內嘅公司狀況依舊   同上年分別不大。有融創。中建材。 華融。太航運等……
如以今年第一季業績睇 
減債嘅繼續減。 有盈利增長嘅   又有市場復甦嘅    但若果組合係一個模擬遊戲~我會選擇100%內房。  哈……

今年組合經過幾輪洗牌。  淨低四個板塊而內房組佔合減至大概4成。  有大而不強中建材佔2成多    剩低仲有食之無味華融及棄之可惜太航運 

由上年美刀長短債息倒掛起   就有人預期12個月內小美經濟必定衰退禍及全球

由上年內地 去槓桿去產能及經濟調控等…  又有人預期房地產泡沫必定爆破禍及經濟

我只相信若果大嘴巴能夠連任的話  小美國內經濟問題2至3年內必定可以改善   因為貿易碰撞令到內地主動減少到小美嘅出口。  落差幅度由佢哋自己國內生產填補   唔淨止內地 就算歐洲出口到小美嘅都要斬一大截出嚟   用佢自己國內生產去填補
目的就係重新塑造小美 gdp 比重結構    之後佢大概就可以對自己發動一場金融攻擊 
然後攞住弱爆嘅生銹美刀
斬落去天國上面交易嘅道指
最後剩低一地雞毛價值嘅~尾債

齊歡唱…………呀呀呀……！
同慶賀………啦啦啦……？

沽2007入2343

沽出2007❌20000股❌$12.5=$250000

買入2343❌150000股❌1.65=$247500


現金=$  125000

減持2007

沽出2007❌$12.58❌30000股=$388000
共持有20000股。    均價=$11.9

買入2799❌$1.66❌230000股=$381800
共持有250000股。   均價=$1.66


現金=$118000

開飯未？？

馬騮又要打關抖啦   港股真係夢幻樂園 
你話邊個捨得走呢    哈………
不過又調整得幾多呢？   咪又係雞毛蒜頭加塊皮。

企業盈利先至係主宰   唔係馬騮戲。 馬騮引人注意一段時間   努力再打幾個關抖   始終要停落嚟拉拉糞再接受主人獎勵   

吠吠始终係一如既往肚餓就會去搶 
市場就好似鄉下仔以往養過嘅寵物一樣
冇任何生命可以敵得過飢餓   雙方都不過係等時間等機會向住對方要害大力一咬……
從此恩斷又義絕。  哈………

感情可以一秒之間……煙消雲散

幾好

幾好喎 3323有季度盈喜 
但係低開
我鍾意低開因為有高收嘅機會 
哈……

幾好喎 1918有3月份銷售盈喜
但股價依然冷静
我鐘意冷静因為有衝動嘅機會
哈……

整體嚟講我依然搵唔到沽出嘅理由
唯有繼續等…… 傻傻的等……
等一班三高專家食飽 
鄉下仔食餸尾 殘渣  呵呵………

仲有老碧一樣係好  繼續好  繼續賺錢
哈……

勢孤力弱之下調底目標

緊急~非常緊急

趁住跌市鄉下仔大幅下調恆指未來兩年目標至四萬六  ~ 本來係八萬五    嘻……

瘋狂吧……  哈………

投降吧 ！  ~  來投降吧 ！

吠吠………

矛盾 
由第一日開始揀平㗎貴㗎 ！高息㗎高負債 ？ 高增長定係大藍籌 ？ 幾錢一手㗎？ 大市值嘅？ 有競爭力冇競爭力？ 長揸好定短炒？ 跟大勢？睇圖表？定係睇年報？ 去模仿大師？ 參考經典理論？ 還是自成一派？ 
選擇…選擇…又不斷嘅選擇…

但無論點樣始終又係
一支筆 
一張紙
一部計數機
以及 ~ 一個人

內地突然間又多咗個 (新城鎮化建設計劃) 
真係突然間？
真係多咗？
還是發展過程必須 

雖然指數已回升至三萬點   但組合公司估值依然低殘依舊低殘   尤其係中建材及碧桂園及及融創   至今每日仍然有大量空倉。
冇法子啦高負債喎 ！ 週期性喎! 盈利不能持續喎!  天花板喎！
我反對呀 ~ 老碧負債低於50喎！
相信空投會係一班才高八斗高學歷高年薪高專業嘅三高團隊所為   
鄉下仔勢孤力弱呀！ 哈……

600億人仔市值中建材
2800億人仔市值碧桂園
1900 億人仔市值融創
貴……好貴……真係好貴
比起最低賤嘅時候的確貴咗好多
比第三四世界國家的確貴咗好多
若果話打狗要睇主人臉   依家到底邊個係主人邊個先至係吠吠呢？
我好想知…鄉下仔好想知…鄉下妹又好想知… 

新聞喎！

以下係兩則特別重要新聞報告

大咀吧佢話好吾開心   佢話好有信心
佢又話佢漠不關心   佢心情可以扭轉世界命運以及改寫人類歷史    我警告你北極熊唔準協助委委瑞拉。 我警告你北極熊唔準協助敘敘亞   等……
有關大嘴巴心情如何   本台將會24小時密切注視最新情況    原汁原味一字不漏為大家報道

英國再議脫褸？ 係咪脱褸？ 幾時脱褸 ……… 亦都係對整個地球舉足輕重
關乎歐洲大陸生死存亡   以及本港經濟未來20年甚至乎30年發展路向 
因此本台亦將會傾盡全力   24小時密切留意最新情況為大家報道 

鄉下仔已超過十年冇睇電視新聞 
反胃作嘔心絞痛等……不經不覺不藥而癒


跟住落嚟係兩則特別無用新聞報告

貨幣如水。
百川匯河而河水最終流入大海
大海無量又如同內地樓市
樓市又影響地價最終牽連百業
而土地又等於中央嘅錢包

點解美聯儲突然大幅度轉彎 ？ 
大嘴巴要放棄美刀霸權。 用弱美刀實現再工業第一步  ~ 做低美聯儲威脅要玩大D。
再用力少少沙特就埋牆角啦。 仲威脅要放棄用美刀結算石油。 
今次大嘴巴玩贏猶大資本喎！ 借刀殺人 哈……  弱美刀條件已經實現。

大市又回升到三萬點    新增嘅貨幣 避險嘅資本   以及補倉嘅炒家。 哈……  組合戰戰兢兢一步一步改錯
滿倉3333至半倉再轉至碧桂園
由半倉再分成三分一轉至中建材
但融創從上年一小部分市值   漸漸變成佔組合一半比例   或者要平衡一下組合   要保留融創或會沽出碧桂園 又或者做相反沽出融創保留碧桂園 ？

換入3323

沽出2007❌41000股❌$12.52
=$513320
共持有50000股。    均價=$11.9


買入3323❌76000股❌$6.59=$500840

現金=$  111400

19年4月倉

2019年 4月倉位。

再創新高投資組合      3間                                         

                                                                     
                                                                     
                                                 平均價                                                                                                                                                                                                                                                                                                                                                                                                 

2799。    華融X20000股    $1.49   
現價= $ 1.67
上升=%  12             下跌= %
倉底。                 19年1月15日
市值= $ 33400
幻想目標價= $ 2.3

1918。  融創X。20000股      $25.55
現價= $  39.1
上升= 53%                 下跌=%
倉底。                     19年1月18日
市值=$782000
幻想目標價= $  60

2007。 碧桂園X  91000股。  $11.9                                           
現價 = $ 12.26
上升= 3 %                下跌=%
倉底。                       19年3月14日
市值=$ 1115660
幻想目標價=$ 24

                                                                                                                                                                                                                                                                                                                                                                                                                                                                                                                                     
🐇🐇🐇🐇🐇🐇🐇🐇🐇🐇🐇🐇🐇🐇🐇🐇

17年1月至今股息
= $ 201182


港元市值=$  1931060

現金= $ 99000

全倉總值 = $  2030060

7月份
碧桂園末期息❌$


组合減值～( 按揭之類 )
17年11月減值=$50000
17年12月再減值=$800000
18年8月22日再減值=$150000

重倉老碧下星期出季績  相信市場預期會好差。 又睇吓係咪？
好與壞亦都會趁機減磅   要加返多隻櫈腳平衡下 

最顧家嘅融創繼續放佢紙鷂  無法啦佢畀最大份家用喎！要睇面色 哈……

最敗家個恒大   仲未開竅市場唔賣帳又或者係自己睇錯。  唉！

最慳家嘅碧桂園應該仲有大把貨在手  條數最靚不愧係藍籌內房。 
平凡中不平凡有條件後上通殺 
雖然佢仲未畀過豆零家用。  哈……

華融刻意留低條尾巴兩萬股   有機會嘅話會再次重倉   另外兗煤  中建材  忠旺等……  仍然會虛擬持有繼續等機會歸隊

內房股第一季熱鬧鬧    有間公司遺忘咗一段時間 ~  路勁基建 
可能會問最慳家嗰個攞多少過去增持一下   細市值內房最近深受市場歡迎    或者會小注再發吓癲亦無妨。  然後再部署增持內銀 

世界將會長時間伴隨著貿易爭拗以及三戰可能。  因此內地貨幣寬鬆或者成為常態    而寬鬆貨幣嘅副作用就係通脹   通脹又會驅使鄉下仔恰眼瞓以及內分泌失調   
因為銀紙會變得越嚟越細張   到最後發覺最吾值錢嘅竟然就係 ~ 錢 
奧… 買… 葛 ！

再沽恒大換 碧桂園

沽3333❌24000股❌$26.1=$626400

買入2007❌$12.26❌50000股=$613000
共持有91000股。      均價=$11.9


現金=$99000

鄉下仔走 ~ 天涯

落雨不怕  落雪也不怕  就算寒冷大風雪落下

星仔走天涯 突然間覺得幾啱聽

我重倉嗰隻股業績似乎唔係好啱大部分人口味   不過啱鄉下仔喎 ！
兌換損失子公司虧損等等  加上其他減值撥備又戰投分紅等等等………

分曬都仲有370畀我。 鄉下仔唔係數佬   唔想講太多財務報表的數字
只係想睇下整個內房板塊   大至估值都係 低低…低    最近3~5年兩三倍至到六七倍pe  之間上落。

繼續持有 未有理由判決死刑   未計其他附屬業務   淨計房地產你當佢估值充分啦。  其他都係送嘅包括物業管理。 
我比較睇好電動車市場
失敗嘅話現價減50%夠未？
僥倖成功嘅話市值應該會有幾倍上升空間。

成本價係$20至$22。  會繼續糾纏一段時間先。  其實今朝已經好想轉倉去兗州煤或者中國建材 
但忽然間覺得
大動不如小動    小動不如不動
不動又………？  唔鬼記得後面嗰句添
哈………… 

我話既  ~ 不動不如睇下點！

上車？？？

嘩  ！ 趕唔切換衫添  鞋都咪著啦哈……
後面仲有好多空位喎 ~ 行入少少啦
前面嗰啲唔好塞住個門口 ~ 唔該
後面仲有好多人未上車呀！

喂…… 上個月你又話想去嘅 
有車喇！而家仲有位喎！做乜唔上呀？

( 你唔明㗎喇  冇理由咁筍㗎
冇咁著數㗎  你睇架車仲有咁多位無人坐喎！  有乜理由呀 
最近好多交通意外喎  ~  咪啦！
睇定啲先啦
等上多啲人先啦
等佢迫爆啲先啦
等佢哋落車我再觀察吓先啦
等我問下佢哋裏面空氣點先啦
等我了解下個司機有幾多年駕駛經驗先啦
然后再等我返屋企睇下本通勝先啦  )

喂…… 你唔上我唔等你㗎啦

( 好啦…好啦 上就上啦死就死啦！
啊！ 屙拔甩啦 ~ 未換衫冇帶銀包㖭
鄉下仔…借住幾蚊搭車得唔得  )

好呀 ~ 你等我過幾日去問鄉下妹先啦………

無題

美刀95.3    ffr只得2.5 就要結束加息週期？1蚊美刀換我6.7人仔   再唔跪低談判後年真係唔知你食乜過冬？    因果不能改

市場   銷售額   利潤    企業
企業依靠利潤生存   利潤出於銷售額   銷售額又來自市場。 以上排序可唔可以撈亂佢？  鄉下仔都拆咗好耐！
好似可以又唔知點樣可以！ 哈……
想要了解佢嘅世界就要進入佢嘅世界。 
智慧不可賜

就咁睇覺得好容易？ 覺得理所當然？  但係又可能一啲都唔容易   相信世上冇一件事情係理所當然   排序本身好容易但排序過程極度艱辛困難     鄉下仔 30年前已經研究佢哋獲利嘅方法  第一間就係我做厨房落髮嘅酒家……… 嘩！好鬼長氣喎！ 都係唔講喇。     真法不可說

唔經唔覺最近幾年做買賣已經轉換咗個焦點    買賣由最初下下問老表  到自己睇吓財務報表  然後再變鬼咗做走勢圖表  哈……  都係表
不過我相信呢個過程並唔係鄉下仔專利喎   可能會大部份人都差不多而分別只係排序 
依家主要買人 買管理層  買市場    亦希望多D人留意數目字以外嘅因素
包括政治軍事等……     無缘不能度

發噏風

發覺會使用左手嘅人入𨋢就會企喺左邊   而鄉下仔入𨋢就係企右邊

發覺想短炒嘅時候股價就企曬兩邊想話慢慢煲淋佢嘅時候個價就發曬癲


外息諸緣，

內心無喘，

心如牆壁，

可以入道

今年貨幣政策刪除(中性)兩字
無 … 無… 絕對冇……絕對冇放大水

什麼主宰資產價格？ 不知道

什麼主宰通貨？ 不知道

什麼主宰gdp？ 不知道

減息  減稅  減干預

還是開動印刷機好❔

樓價 ？樓市？ 地價 ？股價？
誰重要？  大家眼內重要還是政府眼中重要？

上年油價閃崩引致輸入性通縮

樓價下跌引致地皮流拍

匯率下跌引致恐慌性走資

股市下跌引至資本市場死氣沉沉

若果要比上年更差的話

~可能只有戰爭

沽3333换入2007

沽出3333❌19000股❌$24.95=$474050

買入2007❌41000股❌$11.44=$469040

共持有24000股。   均價=$22.4

現金=$ 86000

沽1171入3333

沽出1171❌$7.8❌58000股=$452400

買入3333❌24.15❌19000=$458850
共持有= 43000股     均價=$22.41


現金=$ 81000

睇馬騮戲

雞毛蒜頭加塊皮    仲有咩雜耍未出呢？  下星期會吾會有跳彈床加呢個湯馬斯盤旋？  最緊要有馬騮肯繼續做戲  ~ 仲要係免費添喎！ 辛苦曬
哈………

沽2799入1171

沽出2799❌$1.84❌130000股
=$239200            持有20000

買入1171❌8.18❌28000股
=$229040       共持有=58000股   
均價= $7.44


現金=$  87600

太快……太慢 ？

上證指數突破三千點   可愛嘅市場可恥嘅估值   內房股全面突破似乎想挑戰上市以來嘅高位   經常留意住嘅幾間內房暫時以恒大市值最高  而3883市值仍然唔夠200億？？  哈……

想减持少少內房轉去其他領域板塊。 有啲整鬼蠱感覺啦！最有信心最鍾意嗰間喺升浪中最低調反而次選果幾間跑出咗！ 果然係謀事在人呀！

似乎上年尾跌市之中满倉恆大係正確    但係升市仍然堅持就有D遲鈍咗
係咪老咗反應慢咗？ 

地產以外版塊仍然睇好上年持有嘅18間公司   有幾掛住18間公司？
尤其係中建材真係掛死佢！
一時間好想放曬啲恒大全數換入中建材   不過鄉下仔唔會畀組合咁樣做

鬥傻遊戲又開始喇   不過同上年玩法倒轉   全國性尋寶剛剛開始但係今次冇主題喎！  又會唔會係匯率呢？ 還是市值重估呢 ？  (但愿升市並唔係伴隨著大量好消息)  否則組合一定會大幅度減持

2019年3月倉位

2019年 3月倉位。

再創新高投資組合      4間                                         

                                                                     
                                               買入價                                                             
2799     華融X150000股。   $1.49
現價=$1.8
上升=21%               下跌=%
倉底。                 19年1月15日
市值  270000
幻想目標價=$ 2.3

3333。  恒大 X 24000股。    $20.38
現價= $ 24.25
上升=19 %               下跌= %
倉底。                 18年9月28日
市值= $ 582000
幻想目標價= $ 60

1918。  融創X。20000股      $25.55
現價= $   32.85
上升=28.6%                 下跌=%
倉底。                     19年1月18日
市值=$657000
幻想目標價= $  60

1171    兗煤X30000股。      $6.76
現價 = $ 7.79
上升=15.2%                下跌=%
倉底。                   19年1月15日
市值=$233700
幻想目標價=$ 10

                                                                                                                                                                                                                                                                                                                                                                                                                                                                                                                                     
🐇🐇🐇🐇🐇🐇🐇🐇🐇🐇🐇🐇🐇🐇🐇🐇

17年1月至今股息
= $ 201182

19年股息=$0

港元市值=$  1742700

現金= $ 77800 

全倉總值 = $  1819700


组合減值～( 按揭之類 )
17年11月減值=$50000
17年12月再減值=$800000
18年8月22日再減值=$150000


話說有一個地方存在住美麗嘅瀑布  公園入面鳥語花香    亦見過唔少人喺度影婚紗相
湖邊有個欣賞瀑布最佳位置   平日吸引唔少龍友及路人喺度聚集 

有一日呢個綠油油草地嘅位置 
突然變成一堆沙石再加多咗叫做(防蚊設施)  嘅牌     但對於睇瀑布嘅人以及龍友嚟講問題不大

又有一日突然間呢個位置種咗幾棵矮灌木   但幾棵樹仔當然阻擋唔到一班龍友嘅熱情啦

又又有一日呢個位置竟然畀欄桿封住咗    但係區區幾個欄桿同樣係阻擋唔到呢班龍友嘅熱情

又又又再有一日剛剛種咗冇幾耐既樹仔被移除 (大眾高興咗唔夠一個星期 ) 改為種成人差不多高嘅樹木代替咗  然後前面再加一排矮灌木   再喺矮灌木前面加多一排欄桿   三條防線 密不透風 滴水不漏 之下
一場鬥爭終於都喺零傷亡嘅情況之下停止咗 ！
~ 成功啦… 成功啦 …  恭喜你！

用天文數字起個瀑布出嚟的確需要一班專家用心去呵護。 從此呢個瀑布嘅私隱以及肖像權   终於可以得到 安息以及妥善嘅照顧啦！

又有人話我哋需要一個大市場小政府 ？

鄉下仔想要一個大市場而唔會在意一個政府嘅大小

我真想有個大市場   因此回歸咁耐以嚟我不停嘅諗點樣小政府…然後再小政府…
偶然去小政府……臨瞓前小政府……食飯前小政府……瞓醒又少政府……
其實我真係有啲攰……  小嘅相反為之多   既然佢唔能夠多就為有少 
不停嘅小 …小…小…
冇辦法啦！因為要去少…佢…然後再變大……個市場喎！(我都係估下㗎咋)
而對方亦都非常配合我哋去 ~谂小政府…

甚至去到一個緊密程度   最近可能又擔心我哋會唔多記得~諗小政府啦！   相繼推出多項措施去提醒我哋記住~諗…小政府以及諗…大市場


注意呢個唔係零和遊戲亦唔係因果定律   似係一個咒語多啲   亦有可能我哋念多啲成功嘅機會就會大啲啲
今次係大啲喎！唔係………小啦！
哈……

他媽的~人生

喂…喂…
鄉下仔呀……   我唔去啦 ！你哋玩得開心啲   著住條泳褲浸溫泉喎我驚佢哋凍親呀 ！  (佢12歲囉喎咁都驚？)   

郊外地方有好多蛇蟲鼠蟻  污糟邋遢呀！ (你以為地球淨係得人類？)

仲有三個月就要考試啦   我唔想佢分心呀   (仲有三個月喎大佬？)

我要栽培佢哋成才呀！……
成才呀！…… 成才呀！……
你吾明㗎喇………… 吾明㗎喇…………

Fire~
你知唔知我唔同你呀？

你知唔知我幾大負擔呀？

你知唔知我邊樹都無得去呀？

你知唔知我犧牲咗幾多呀？

你知唔知你幾咁幸福呀？

你知唔知我撐得幾辛苦呀？

你知唔知兩條化骨龍有幾大開消呀？

你知吾知……  知唔知… 唔知…
知…………………………………………………

after~
喂…喂……
眉眉呀…… 
我就係知     所以冇囉
你就係唔知     因此有囉 

露眉呀……
既來之則安之    諗遠啲會好啲

李露眉…呀……
我頂你唔順啦。   
再見  ……      勿念 
喂……喂……喂……

威風八面持續超過一年嘅空頭   包括股 樓 匯三方嘅空頭   應該上年第三季經已暫時撤離   剩低嘅都係想趁住 混亂踩多幾腳自己人以及心存僥倖嘅 

係咪牛市？定係牛屎？
未有共識？你有共識？

鄉下仔組合只得四間公司三個板塊 亦都感受到市場輪流突破嘅威力 
注意車速    有大量空頭未平嘅板塊 應該仍然值得留意住  而大市成交金額亦係經常留意嘅風向標 

中美貿易爭拗三至五年時間冇可能理順得到   冇共識就係對於我方最有利嘅位置    因為未來正向著東方傾斜

尤其是股市上升之時最壞嘅消息就係好消息    組合要珍惜籌碼盡量把握今年上半年反攻機會 

轉眼間又到咗考驗組合實力嘅時候
亦係最殘酷嘅時候   

反對嘅請舉手

中餐館近十幾年一沉不起。 市場被其他菜係霸佔蠶食 
就係同傳統遺留落嚟文化有關
死不足惜    污糟邋遢。   好食懶飛。

幾耐未食過鹹魚雞粒炒飯D雞粒係用醃好嘅雞粒做     而唔係用爛鬼雞扒仲要係熟咗嗰啲砌出嚟炒 

幾耐未食過生炒牛肉飯係用醃好嘅生牛肉做免治    而吾係用一啲爛鬼下欄牛肉或者熟咗嘅牛肉剁碎求鬼其炒

幾耐未食過獨立一碟炒嘅香噴噴乾炒牛河   而唔係死等爛等一啲大師傅儲埋幾碟一鑊過    碟碟都似係地拖頭一樣嘅垃圾

幾耐未食過 ~下八珍~集會~之類嘅炒粉麵    有時都會遇到有呢幾樣不過每次都係唔叫好過   今時今日做下八珍集會之類嘅食物館    通常都係垃圾下欄加D收檔嘢執落去畀你 

幾耐未有過大時大節~母親節~做冬之類嘅日子   到酒樓之類嘅中餐館食到一餐人食嘅飯而唔係垃圾嘅~請舉手    要好似攞正牌出品垃圾一樣嘅日子     仲要係搶錢嘅價錢再加上厚顏無恥嘅態度    就只有H. K中菜做得到   (反對嘅請舉手)

好多嘢食唔返呀係因為同原材料供應有關    簡單一個雲吞麵依家啲生麵又有幾多間係好食   雲吞有冇落大地魚？水餃有冇筍絲？ 佢會答你有啲人唔食荀喎 ………

大眾化嘅飯堂演變做茶餐廳到而家再演變成為冰室   潮流改變到幾多出品部師傅嘅心態？  又改變到幾多做 中餐老細嘅心態？

或者改變嘅就只有裝修。而吾係態度
(反對嘅請舉手)

還得到先好借

大嘴巴終於行最後一步 緊急狀態啦
順我者生    反映資本集團加速逃走 

極權同金錢邊一種至係萬能 ？  定係兩樣都唔係。  人同貨我兩樣都要
哈……   耍無賴

貿易碰撞從來只係一道門   門後面就係美債就係彎彎以及對方未來整個資產負債表嘅談判   亦係單極化演變至多極過程中安排嘅談判    去美元化嘅速度談判   等等……

對方就算全方位衰退再差亦有反轉地球嘅能力    貧不與富鬥富不與官爭   更何况係大種乞衣？

大嘴巴先對內再對外
大嘴巴先對外再對內   
現在又先對內再對外
重複玩    軟硬兼師置諸死地而後生更何況前方根本就係死路一條    一個爛攤子戰略收縮一定要發生   而分別只係有序還是無序之下。 

有內地大財主配合之下就係有序
有錢好辦事相反就係無 
但以內地今日綜合國力睇又唔係你話要配合我就要配合    哈……
打打談談……打打談談……   可能就係未來幾年嘅主流話題 

而中軸永遠離吾開
14個位嘅天文數字  (唔知有冇數錯) 超過70萬億嘅重新分配。 

就係整件事嘅始末   ~  有借自然就要還

我有好消息

我有一個好消息   最近突然間覺得啲藥油味好正。 係唔係都想搽番啲落個頭度   兩邊額頭加鼻哥加心口  幾乎想用佢嚟沖涼   我證實咗搽藥油係會上癮㗎

我有一個壞消息   最近突然間覺得啲藥油味好正。  並開始懷疑自己巳經步入中年：雖然可能性係~好低~係好低 

細路仔都識計啦！200除以4= 50
鄉下仔剛剛步入四分之一   仲有四分三喎又點會係中年？ 

跨七到八難還是到200難？  應該係後者比前者難   好啦！一天光曬原來跨七並唔係太難 

如法炮製世上再冇難事    哈……

猪年快樂

猪年快樂    恭喜………

一眾公司幕前幕後
不辭勞苦又一年啦

一眾投資者用強大嘅心臟
頂住主流傳媒日以繼夜疲勞轟炸
恭喜大部份都能夠平安登陸猪年

一眾無名英雄用畢生精力研究 
保障三千公里範圍內資產及生命安全

哈……   多謝。  多謝。  多謝

搬去邊呢❔

想搵鄉下仔：yltsangyip@gmail.com

天才兒童

您之所以收到這封電子郵件，是因為您擁有 Google+ 個人 (私人) 帳戶，或是有在經營 Google+ 專頁。

我們曾在 2018 年 12 月發佈公告，表示由於 Google+ 一般使用者版本的使用率低，並在維護方面遇到種種挑戰，無法順利提供符合使用者期望的產品，因此將於 2019 年 4 月終止這項服務。感謝您一路走來對 Google+ 的支持；我們將說明您後續應採取的步驟，包含如何下載您的相片及其他內容。

天才兒童呀